- 2024 jylǧy 1 mausymdaǧy jaǧdai boiynşa «Alǧaşqy jūmys orny» jobasyn ıske asyru şeŋberınde 4,2 myŋ adam jūmysqa ornalastyryldy. 2024 jyly osy baǧyt boiynşa barlyǧy 8,7 myŋ adamdy jūmysqa ornalastyru josparlanuda, dep habarlaidy astana-akshamy.kz/ QR Eŋbek jäne halyqty äleumettık qorǧau ministrlıgıne sılteme jasap.
Būl jobaǧa jūmys täjıribesı joq 35 jastan aspaǧan jūmyssyz azamattar qatysa alady. Ol üşın Mansap ortalyǧyna ötınış beru kerek.
Oqu oryndarynyŋ tülekterı üşın «Alǧaşqy jūmys orny» jobasy boiynşa jūmys oryndary olar alǧan käsıp (mamandyq) nemese bailanysty käsıp (mamandyq) boiynşa qūrylady.
«Alǧaşqy jūmys orny» jobasyn qarjylandyrudy Eŋbek mobildılıgı ortalyǧy jūmys beruşı ūsynǧan ai saiynǧy mälımetter negızınde jüzege asyrady.
Jalaqyny subsidiialau merzımı 18 aidan aspaidy, subsidiia mölşerı 30 AEK-tı qūraidy.
«Alǧaşqy jūmys orny» jobasyna qatysu merzımı aiaqtalǧannan keiın jūmys beruşı jūmyssyzdardy kemınde 12 ai merzımmen tūraqty jūmys ornyna ornalastyruǧa mındettı.
Jobaǧa qatysuşylardyŋ bırı Mädina Baijanova, ol osy jyldyŋ basynda «Aqsu qalasynyŋ №2 böbekjaiy» KMQK-da 18 ai merzımge tärbieşı bolyp jūmysqa ornalasty.
«Ärbır tülek oqu ornyn bıtırgennen keiın öz mamandyǧy boiynşa jūmys ıstegısı keletını anyq, Men de solardyŋ qatarynda bodym. Kolledjdı «Mektepke deiıngı ūiymdardyŋ tärbieşısı» mamandyǧy boiynşa tämamdap, jūmys ızdep Pavlodar oblysy Aqsu qalasynyŋ Mansap ortalyǧyna jügındım.
Ūlttyq bılıktılık testıleu sertifikaty men jūmys täjıribesınıŋ bolmauyna bailanysty tūraqty jūmys ornyna jūmysqa ornalasu qiynǧa soqty. Jūmyssyz retınde tırkelgennen keiın Mansap ortalyǧynyŋ mamandary maǧan qolaily bos jūmys oryndaryn ūsyna bastady. Berılgen baǧyt boiynşa äŋgımelesu öttı jäne bügıngı künı mūnda tärbieşı bolyp jūmys ısteimın», – dedı jas maman.
Pavlodar oblysynda 2024 jyly «Alǧaşqy jūmys orny» jobasy boiynşa 299 adamdy jūmysqa ornalastyru josparlanuda.
