«Astana – Almaty» eŋ ırı jol salu jobasy qaşan aiaqtalatyny belgılı boldy, dep habarlaidy astana-akshamy.kz «QazAvtoJol» ŪK» AQ baspasöz qyzmetıne sılteme jasap.
«QazAvtoJol» AQ-nyŋ Telegram-daǧy resmi arnasynda jariialanǧan aqparatqa säikes, 2024 jyldyŋ soŋyna deiın Astana men Almaty arasyndaǧy jol qūrylysy aiaqtalmaq. «Memleket basşysynyŋ «Ortalyq-Oŋtüstık» dälızın rekonstruksiialau jönındegı tapsyrmasyn oryndau maqsatynda tört negızgı uchaskenı: «Qaraǧandy – Balqaş» (363 şaqyrym), «Balqaş – Burylbaital» (288 şaqyrym), «Burylbaital – Kürtı» (228 şaqyrym) jäne Şamalǧan stansiiasyndaǧy ainalma jol qūrylysyn qosa alǧanda jalpy ūzyndyǧy 885 şaqyrym joldy jaŋartu jūmystary jürgızılıp jatyr.
2019 jyldan bastap būl uchaskelerde kölık qozǧalysynyŋ qauıpsızdıgın saqtau maqsatynda tosqauyl qorşauyn paidalana otyryp ony bölıp, tört jolaqty jol qozǧalysyn qamtamasyz etu üşın I-b tehnikalyq sanatyna deiın modernizasiialau jūmystary jürgızılıp jatyr. Qazırgı taŋda avtojoldyŋ 833 şaqyrymyna jaŋa asfalt töseldı», – delıngen kompaniia habarlamasynda. Sondai-aq «QazAvtoJol» baspasöz qyzmetınıŋ mälımetıne süiensek, avtojoldyŋ Astanadan Qaraǧandyǧa deiıngı 182 şaqyrym bölıgınde I-b tehnikalyq sanattaǧy tört jolaqty tas joly ornatylyp, jol qozǧalysynyŋ qauıpsızdıgı qamtamasyz etılgen. «Ortalyq-Oŋtüstık» jol dälızı boiynda 42 demalys orny men 23 qyzmet körsetu stansiiasyn salu josparlanǧan.
«Ortalyq-Oŋtüstık» jol bölıgınde zamanaui sanitariialyq-gigienalyq qondyrǧylar, sauda oryndary men elektrmobilderdı quattandyru beketterı ornatyldy. Sonymen qatar jol qozǧalysyna qatysuşylarǧa qarǧa qarsy tosqauyldar, kölıkte joldyŋ körınuın şekteitın faktorlarǧa qarsy ekrandar men tor şlagbaumdar ornatyldy. Ol qauıpsızdıktı qamtamasyz etıp, jol-kölık oqiǧalarynyŋ aldyn aluǧa arnalǧan», – delıngen habarlamada. Kompaniia baspasöz qyzmetınıŋ deregınşe, 2024 jyldyŋ soŋyna josparlanǧan «Astana-Almaty» tas jolyn salu jūmystary aiaqtalǧannan keiın, tolyq jol boiynda jaŋa tösem ornatylady.
