Sarapşylar Almatyǧa qaraǧanda Astanada päter baǧasynyŋ köterılgendıgın aitady, dep habarlaidy astana-akshamy.kz
Būl jer sılkınısımen bailanysty ma?
Osy saualǧa Qazaqstannyŋ Bırıkken rieltorlar qauymdastyǧy prezidentınıŋ keŋesşısı Nina Lukianenko jauap berdı.
«Ökınışke orai, dürbeleŋge tüsu elementı qysqa merzımdı ǧana bolady. Degenmen, ol qalai degende de baǧaǧa äserın tigızedı. Al jer sılkınısı elesınıŋ tolqyny jan-jaqty habarlanyp, tıptı baspasözde asyra sılteu de boldy. Däl osy jait köptegen adamǧa äser etıp, olardyŋ qaupın küşeite tüstı. Bıraq, sūranys satyp aluşynyŋ tölem qabıletıne, naqty şeşımıne bailanysty ekendıgın tüsınu qajet. Menıŋşe, mūndai qūbylys qysqa merzımdı ǧana», — dedı ol agenttık tılşısıne bergen sūhbatynda.
Sonymen qatar ol «taiau uaqytta päter baǧasy köterıluı mümkın be» degen saualǧa jauap berdı.
«Qazırgı uaqytta mende ondai ümıt müldem joq desem de bolady. Alaida, tyŋǧylyqty zerdelep qarasaq, köptegen satyp aluşy men satuşy qaitalama naryqtaǧy baǧanyŋ tömen qarai syrǧi tüskenın baiqar edı», — dedı ol.
Esterıŋızge sala ketsek, resmi statistikalyq derekterge säikes, säuırde Astanadaǧy päter baǧasy Almatydan asyp tüsken bolatyn.
