Ş.Şaiahmetov atyndaǧy «Tıl – qazyna» ūlttyq ǧylymi-praktikalyq ortalyǧy memlekettık tıldıŋ qoldanys aiasyn keŋeitu, Qazaqstandaǧy etnos ökılderınıŋ tıldık kapitalyn damytu jäne şeteldegı qandastarymyzǧa oqytu ädıstemelerın ūsynu maqsatynda 6 oqu-ädıstemelık qūral daiyndap şyǧardy.
Solardyŋ ışınde «Türık tıldı auditoriiaǧa arnalǧan qazaq tılı (A1)», «Majar tıldılerge arnalǧan qazaq tılı oqulyǧy», «Qazaq tılın kinofilmder arqyly oqytuǧa arnalǧan jattyǧular jinaǧy», «Jetısu jerıne saiahat» atty tıl üirenuge arnalǧan eŋbekter bar. Būl kıtaptar Qazaqstan Respublikasy Ǧylym jäne joǧary bılım ministrlıgı Tıl saiasaty komitetınıŋ tapsyrmasymen, 2023 jyldyŋ «Memlekettık jäne ana tılderın oqytu boiynşa oqu-ädıstemelık qūraldardy äzırleu, şyǧaru jäne taratu» memlekettık tapsyrmasyn oryndau aiasynda daiyndalǧan.
Atalǧan oqulyqtarǧa jeke toqtalar bolsaq, «Türık tıldı auditoriiaǧa arnalǧan qazaq tılı (A1)» oqu qūraly «Tıl – qazyna» ŪǦPO ǧalymdary men Türkiiadaǧy qazaq-türık ǧalymdary bırlesıp jazǧan eŋbek. Bauyrlas Türkiia elınde bügınde 30-dan astam universitetter men mädeni ortalyqtarda qazaq tılı arnaiy pän nemese kurs retınde oqytylady. Qazaq tılı är jerde türlı oqulyqtarmen oqytylatyny jäne ol oqulyqtardyŋ jetıspeitındıgı de belgılı boldy. Osy mäselenı şeşu maqsatynda äzırlengen qūral ekı bauyrlas eldıŋ ortaq igılıgıne ainalary sözsız. Tüp-tamyry qypşaqtar bolyp tabylatyn Majarstanda da qazaq tılı men mädenietıne erekşe köŋıl bölıngen. Mäselen, būl baǧytta jūmys ısteitın türlı ūiymdar, ortalyqtar men tıl kurstary bar. Osy eldıŋ azamattary men qazaq disporasyna arnalǧan «Majar tıldılerge arnalǧan qazaq tılı oqulyǧy» qazaq jäne majar tılderınıŋ fonetikalyq jäne grammatikalyq erekşelıkterın salystyra taldai otyryp, qazaq tılın üirenuşılerdıŋ tıldık daǧdylaryn damytady. Al «Qazaq tılın kinofilmder arqyly oqytuǧa arnalǧan jattyǧular jinaǧy» – mektep, joǧary oqu orny, tıl ortalyqtarynda memlekettık tıldı oqytuǧa arnalǧan ädıstemelık qūral. Jattyǧular jinaǧynda qazaq halqynyŋ bırneşe ǧasyrlyq tarihy beinelengen filmder, telehikaialar jinaqtalyp, tıldı körkem filmder arqyly üiretedı. Osy jattyǧulardy oryndai otyryp tıl üirenuşı äsırese tyŋdalym, aitylym daǧdylaryn jetıldıredı. «Jetısu jerıne saiahat» orta V1 deŋgeiıne arnalǧan oqu qūralynyŋ negızgı maqsaty – Jetısu jerınıŋ körnektı jerlerı turaly naqty taqyryptardaǧy mätınder negızınde tıl üirenuşılerdıŋ söileu daǧdylaryn, leksikalyq qoryn jetıldıru, grammatikalyq bılımın tereŋdetu
