Būryn jeŋıl-jelpı ota jasaǧanda da portalǧa kezekke tūryp, auruhanalardaǧy stasionarlarda bırneşe kün jatyp emdeluge tura keletın. Sonyŋ ornyna emhanalarda aşylǧan ambulatoriialyq hirurgiia ortalyqtary – zamanaui medisinanyŋ bolaşaǧy zor baǧytynyŋ bırı. Ony medisina tılınde «Bır künnıŋ hirurgiiasy» dep te ataidy. Şetelde äuelden damyp ketken mūndai ortalyqtar Qazaqstanda 2000 jyldan berı aşyla bastady. Qazır olar Astanadaǧy 10 emhanada bar.
Atap aitqanda, №5, 6, 8, 9, 10, 12 qalalyq emhanalar men «Astana Clinic», «City», «Salauatty Astana» jeke emhanalary jäne «Ekstra komfort» ortopediia ortalyǧynda aşylǧan. Otany adam denesıne köp pyşaq tigızbei jasaityn, iaǧni az jaraqat salatyn jäne otadan keiın jyldam qalypqa keletın būl jeŋıl hirurgiialy terapiia qyzmetınıŋ bırneşe türı körsetıledı.
– Ambulatoriialyq hirurgiia stasionarlarǧa balama degennen görı, olarǧa qosymşa tolyqtyryp tūratyn qyzmet dese jön bolady. Bızdıŋ №10 qalalyq emhananyŋ özı 2015 jyly aşylǧaly berı ambulatoriialyq ortalyq ta bırge qūrylyp, jūmys ıstep keledı. Ortalyqta hirurg, urolog, onkolog, ginekolog, oftalmolog, anesteziolog-reanimatolog, proktolog mamandarmen bırge, medbikelerdı qosqanda, jalpy 13 medisina qyzmetkerı eŋbek etedı. Hirurgiiada terıdegı, terı asty mai qabattarynda, jūmsaq tınde ornalasqan qatersız ısıkterdı alyp tastau otalary jasalady. Al urologtar em-diagnostika maqsatynda sistoskopiiamen jäne quyqtyŋ şyryşty qabatyn tekseru üşın nesepaǧarǧa qoiylǧan stent kateterlerdı alyp tastaumen ainalysady. Sonymen qatar varikosele, gidrosele otalaryn jasaidy. Onkologtar denedegı türlı ısıktı, oftalmologtar közdıŋ ainalasynda ornalasqan ösındılerdı alyp tastaidy jäne emdık maqsatta közdıŋ astyŋǧy qabatyna retrobulbarly därı engızedı. Ginekologtar jatyr moiny men jatyrdyŋ şyryşty qabatynyŋ polipterın alyp tastap, gisteroskopiia jasaidy. Proktologtar gemorroilardy alyp tastau, şyryşty qabatyn tıgıp bailau otasyn jürgızedı, – deidı №10 emhanadaǧy ambulatoriia-hirurgiia ortalyǧynyŋ bölım meŋgeruşısı Abzal Zeidulla.
Osyndai asa kürdelı emes otalardyŋ bärı būryn auruhanalarda jasalatyn bolǧan. Adamdar portaldaǧy kezegın kütıp, odan ota jasau üşın üş kündei stasionarda jatatyn. Qazır ambulatoriialyq hirurgiia ortalyqtary osy qyzmettı jyldamdatty. Ota MÄMS jüiesınde jarna töleitınder üşın tegın jasalady
Otadan keiın nauqastar kem degende 20 minut, ärı ketse 1-1,5 saǧat palatada därıgerler baqylauynda bolady, bärı dūrys bolsa, üiıne qaitarylady. Oŋalyp ketkenge deiın ünemı mamandar qadaǧalauynda jüredı. Atalǧan ortalyq emhananyŋ besınşı qabatynda ornalasqan. Mūnda nauqastar otadan keiın demalatyn palatalar, ota jasau bölmelerınıŋ bärı sanitarlyq normalarǧa sai jabdyqtalǧan.
– Osyndai asa kürdelı emes otalardyŋ bärı būryn auruhanalarda jasalatyn bolǧan. Adamdar portaldaǧy kezegın kütıp, odan ota jasau üşın üş kündei stasionarda jatatyn. Qazır ambulatoriialyq hirurgiia ortalyqtary osy qyzmettı jyldamdatty. Ota MÄMS jüiesınde jarna töleitınder üşın tegın jasalady. Atalǧan jüiede joq azamattarǧa sol arqyly qyzmet paidalanudyŋ tiımdılıgın aityp tüsındıremız, – deidı därıger.
16 jyldyq täjıribesı bar därıger, byltyr ǧana «Densaulyq salasynyŋ üzdıgı» marapatyn alǧan Abzal Zeidulla atalǧan ortalyqty 2022 jyldan berı basqarady. Qaramaǧyndaǧy därıgerlerdıŋ eŋ ülkenınıŋ eŋbek ötılı 30 jyldan assa, köbınıŋ 15-20 jyldyq täjıribesı bar. Eŋbek jolyn bastaǧanyna 3-4 jyl bolǧan bır-ekı ǧana maman jūmys ısteidı. Osy qyzmetkerlerdıŋ küşımen ortalyqta 18 jastan joǧary qala tūrǧyndaryna 2021 jyly barlyǧy 470 ota jasalsa, 2022 jyly 696, al byltyr 1670 ota jasalǧan. Osylaişa jyl saiyn ota sanynyŋ köbeiuı ortalyq qyzmetı men mamandaryna degen senımnıŋ artqanyn da bıldıredı.
– Bızdıŋ därıgerler bır jaǧy emhanada da qabyldau bölımınde qyzmet atqarady. Sol kezde özderıne qaralǧan adamdar arasynan ota jasau qajettılıgı anyqtalǧandardy ortalyqqa äkelıp, tiıstı emın jalǧastyrady. Negızı, būl otalar aqyly türde jasalar bolsa, şamamen 120 myŋ teŋgedei qarjyny qajet etedı. Onyŋ ışınde nauqasqa konsultasiia beru, otadan keiıngı baqylau, jaralaryn taŋu qyzmetterı de bar. Sonyŋ bärı mındettı äleumettık medisinalyq saqtandyru jüiesı arqyly tegın körsetılude, – deidı bölım meŋgeruşısı.
Ortalyq qyzmetıne köbıne 20-50 jastaǧy elordalyq tūrǧyndar jiı jügınedı. Sonyŋ ışınde oftalmologiia qyzmetın 50-den asqandar köp paidalanady. Äsırese soŋǧy bır jylda osy qyzmettı paidalanatyndar qatary arta tüsken. Odan keiıngı orynda hirurgtar men onkologtardyŋ ısıktı alyp tastau qyzmetıne keletınder tūr. Üşınşı kezekte ginekologiia otalary jiı körsetıledı. Sodan soŋ quyqqa em-diagnostika baǧytynda ota jasatuşylar sany basym. Mamandar qaterlı emes ısıkter qaterlı türıne ötıp, asqynyp ketpei tūrǧanda derttı der kezınde anyqtap, hirurgiia kömegımen auyr jaǧdaidyŋ aldyn alu qajet ekenın aitady.
