Qazaqstan keiıngı jyldary şeteldık turister üşın trend baǧytqa ainaldy. Mūny elımızdıŋ turizmı turaly älemnıŋ ırı basylymdarynda jaryq körıp jatqan aqparattardan da baiqauǧa bolady. Juyrda amerikalyq äigılı Travel+Leisure jurnalynyŋ Oŋtüstık-Şyǧys Aziiadaǧy bölımşesı Qazaqstan turizmı turaly şeteldık saiahatşylarǧa arnalǧan nūsqaulyq jariialady, dep habarlaidy astana-akshamy.kz.
Jurnalist Iаşita Vaşişt Qazaqstannyŋ bıregei körıktı jerlerın aralai otyryp, şeteldık turisterge qajet bolatyn nūsqaulyq jinaqtady. «Ne ısteu kerek, qaida tūru kerek jäne qandai taǧamdar bar: Qazaqstan boiynşa eŋ üzdık marşrut» dep atalatyn reportajda köptegen qyzyqty mälımet jariialanǧan. Tıptı, atalǧan maqalanyŋ mazmūny el tūrǧyndarynyŋ da qyzyǧuşylyǧyn tudyrdy.
Avtor Qazaqstanǧa kelu üşın saiahatşylarǧa säuırden mamyrǧa deiın nemese qyrküiekten qazanǧa deiıngı kezeŋdı taŋdaudy ūsynady. Iаşita Vaşişttıŋ pıkırı boiynşa, atalǧan kezeŋderde sız tau peizajdarynyŋ panoramasynan jäne taŋǧajaiyp dala keŋıstıgınen läzzat ala alasyz.
Travel+Leisure jurnalisı Astana, Şymkent qalasy, Türkıstan oblysy, Almaty qalasy men onyŋ ainalasyndaǧy körıktı jerlerge baryp, Qazaqstan boiynşa jetı kündık saiahat jasady.
Sonymen qatar jurnal ökılı Qazaqstanǧa kelgennen keiın viza qoljetımdılıgı, aǧylşyn tılıne audarmasy bar qazaq tılındegı söz tırkesterı, qonaq üiler men ūlttyq taǧamdardy taŋdauda paidaly aqparatty jinady.
Travel + Leisure – Niu-Iorkte ornalasqan saiahat turaly jurnal. Basylym jylyna 12 ret şyǧady, derekter boiynşa jurnaldyŋ oqyrman sany – 4,8 million. Saiahat turaly basylymda turistık saparlarǧa mamandanǧan jäne köbıne saiahatşy emes jazuşylar, aqyndar, suretşıler, dizainerler men jurnalisterdıŋ maqalalary jariialanady.
Sonymen qatar jurnal modelderdıŋ saiahattaǧy jäne bedeldı jaǧdaida demalyp jatqan fotosuretterın jarialaǧan mūqabalarymen tanymal.
Travel+Leisure bükıl älem boiynşa 16 million saiahatşylar qauymdastyǧyn bırıktıredı jäne ştatta 100-den astam saiahat turaly jazatyn jurnalisterı men fotograftary bar.
