Halyqaralyq balalardy qorǧau künı qarsaŋynda Astanadaǧy №6 qalalyq emhana erekşe balalarǧa arnalǧan «Ana jüregı» atty merekelık ıs-şara ūiymdastyrdy. Jiynǧa Amanat partiiasynyŋ qalalyq filialy ökılderı kelıp, aksiianyŋ ötuıne qoldau bıldırdı. Jiyn maqsaty – mereke qarsaŋynda osy sanatqa jatatyn qala tūrǧyndarynyŋ psihologiialyq köŋıl-küiın jaqsartu. Aksiia barysynda erekşe balalar baǧyp otyrǧan analarǧa tegın medisinalyq tekseruden ötu mümkındıgı de berıldı.
Is-şaraǧa atalǧan emhanaǧa tırkelmegen bolsa da jalpy qaladaǧy 60-tan astam erekşe balalar men olardyŋ ata-analary kelıp qatysty. Talantty önerpaz jastardyŋ konserttık baǧdarlamasymen qatar balalardy oŋaltu boiynşa sabaqtar, erekşe balalardyŋ analaryn ginekolog, nevrapatolog, kardiolog, terapevt, endokrinolog, oftalmolog, otolaringolog, mammolog, hirurg, tıs jäne UZİ, EKG boiynşa tekseru jūmystary ötkızıldı.
– Jalpy bızdıŋ emhanada 33 myŋnan astam bala tırkeude tūr. Solardyŋ ışınde 600-den astamy – osyndai dertı nemese auytquşylyqtary, psihologiialyq aurulary bar erekşe balalar. Olardyŋ bärın tırkeimız, kerek kezınde skriningten ötedı, ai saiyn keibırı salalyq därıgerlerge qaralyp tūrady, auru jaǧdaiyna qarai keibır balalar 6 ai saiyn şaqyrylyp otyrady, bırqatary odan da jiı qaralady. Olardy özımızde oŋaltatyn arnaiy kabinetterden bölek, Ūlttyq oŋaltu ortalyǧyna da joldamamen jıberıp otyramyz, sol üşın arnaiy kvota tüsıp tūrady, – deidı pediatriia bölımşesınıŋ meŋgeruşısı Aigül Äbışeva.
– Mūndai balalardyŋ, äsırese mügedekter arbasyndaǧy balalardyŋ analary taŋerteŋnen keşke deiın bala qarap, üide otyrady, eşqaida şyǧa almaidy. Tıptı köbı öz densaulyǧyna da qarauǧa uaqyt tappaidy. Balalary ösken saiyn uaqytyn soǧan köbırek arnaidy. Bügıngı ıs-şarany sondai ata-analar üşın daiyndadyq, olardyŋ balalaryna arnap konsert qoia otyryp, analaryn tekseruden ötkızdık, – deidı emhana direktory Dinara Baiserkina.
