Kastamonu universitetınıŋ bılım aluşylary Böketov zertteu universitetınde qazaq tılın üirenude.
Böketov zertteu universitetınde «Ūlaǧat» qazaq tılın oqytu jobasy öz jūmysyn bastady. Türkiia Respublikasynyŋ Kastamonu universitetınen professor, doktor, filolog-ǧalym, Qazırgı Türık dialekterı men ädebietı kafedrasynyŋ meŋgeruşısı Orhan Söilemez bastaǧan bır top magistrant, PhD doktorant, bakalavriat şäkırtterı Qaraǧandyǧa qazaq tılın jetıldıruge keldı. «Ūlaǧat» qazaq tılın oqytu baǧdarlamasy bauyrlas ekı el men ekı joǧary oqu orny arasyndaǧy bailanysty nyǧaitu, ortaq bılım beru baǧdarlamasyn jüzege asyru arqyly qazaqtyŋ tılın, mädenietın, ädet-ǧūrpyn, salt-dästürın şeteldıkterge nasihattau maqsatynda ūiymdastyrylyp otyr.
Atajūrtqa kelgen türık bauyrlardy universitetımız qazaqy qonaqjailyǧyn tanytyp, qūşaq jaia qarsy aldy. Şaşu şaşylyp, ūlttyq däm ūsynyldy. Böketov universitetınıŋ Basqarma Töraǧasy – Rektor Nūrlan Dulatbekov öz sözınde türık bauyrlarǧa qazaq tılın üiretu jobasyn jüzege asyruǧa filolog-ǧalym Orhan Söilemez myrza men käsıpker, ūlt janaşyry Erlan Äşım qoldau tanytqanyn, «Ūlaǧat» jobasy şeŋberınde qonaqtarymyz «TURAN EL QAZAQ SPORT» ūlttyq sport jäne saiatşylyq ortalyǧyna baryp, qazaqtyŋ ūlttyq oiyndaryn tamaşalaitynyn atap öttı. «Böketov universitetınıŋ tıl mamandary Kastamonu universitetınıŋ bılım aluşylaryna qazaq tılın üiretedı. Aldaǧy uaqytta atalǧan joba jandanyp, jalǧasyn tauyp jatsa, bızdıŋ de oqytuşylar, PhD doktorant pen magistranttar türık tılın üirenıp, bırlesken ǧylymi eŋbekter jazuǧa mümkındık alady» dedı rektor.
«Ūlaǧat» baǧdarlamasy — bılım aluşylardyŋ qazaq tılıne qyzyǧuşylyqtaryn arttyrudy, tıl üirenuşınıŋ tūrmystyq, äleumettık taqyryptarda söileu bılıktılıgın jetıldırıp, tıl üirenuşınıŋ tıl sauattylyǧy men söz bailyǧyn, basqalarmen qarym-qatynasqa erkın tüsuın jäne oilau qabıletterı men dünietanymdyq daǧdylaryn keŋeitudı, sabaq üderısınde alǧan bılımderın tereŋdetıp, teoriiany praktikada qoldanu daǧdysyn qalyptastyrudy közdeitın bıregei joba.
«Kastamonu universitetı men E. A. Böketov atyndaǧy Qaraǧandy universitetı arasynda ǧylymi bailanys nyǧaiyp keledı. Jaqynda Kastamonu universitetınıŋ rektory Ahmet Hamdi Topal Qaraǧandyǧa ıssaparmen kelıp Böketov universitetınıŋ basşylyǧymen jüzdesıp, akademiialyq ūtqyrlyq, täjıribe almasu jönındegı kelısımşartqa qol qoidy. Kastamonu universitetınıŋ on bes şäkırtıne Böketov universitetı filologiia fakultetınıŋ tıl mamandary qazaq tılın üiretedı. Olar bır apta aralyǧynda qazaq tılın, qazaq mädenietın tanyp bıledı» deidı türık ǧalymy Orhan Söilemez.
Qazaq tılın üirenuge niet bıldırgen on bes bılım aluşy ūlttyq kiım men äşekei būiymdardyŋ körmesın tamaşalap, qolönerden şeberlık sabaǧyna qatysty. Därıshanada qazaq tılınde alǧaşqy tanysu sabaǧy öttı. Türık bauyrlar Böketov zertteu universitetınıŋ Qarqaralydaǧy oqu-dalalyq bazasynda qazaq tılı men türık tılı arasyndaǧy ūqsastyq pen aiyrmaşylyqty tüsınıp, tūrmystyq jaǧdaida qoldanylatyn leksikany meŋgerıp, qazaqşa beiresmi qarym-qatynas ornata alatyn därejege jetedı degen ümıt zor. Qazaq tılın meŋgergen barlyq qatysuşylar Böketov universitetınıŋ sertifikatyn alady.
Şapaǧat Äbdır
