Astana qalasynda Syrtqy ıster ministrlıgınıŋ Erekşe tapsyrmalar jönındegı Elşısı Talǧat Qalievtıŋ töraǧalyǧymen onlain formatta Aziiadaǧy özara ıs-qimyl jäne senım şaralary keŋesınıŋ (AÖSŞK) Arnaiy jūmys tobynyŋ (AJT) otyrysy öttı, dep habarlaidy astana-akshamy.kz
Otyrys barysynda qatysuşylar AÖSŞK Ekologiia mäselelerı jönındegı ministrlık konferensiiasynyŋ qorytyndy qūjat jobasyn, Taldau ortalyqtary forumynyŋ ıs-şaralar josparyn, sondai-aq 2024-2025 jyldarǧa arnalǧan «AKT paidalanu qauıpsızdıgı men AKT qauıpsızdıgı» basym salasynyŋ tūjyrymdamasyn qarastyrdy.
Sonymen qatar, ıs-şara barysynda müşe memleketter AÖSŞK men Euraziialyq ekonomikalyq komissiiasy arasyndaǧy bırlesken ıs-şaralar josparyn, Aziia men Tynyq mūhitqa arnalǧan Ekonomikalyq jäne äleumettık komissiiamen (ATMEÄK) yntymaqtastyq turaly memorandumnyŋ jobasyn, sondai-aq BŪŪ Terrorizmge qarsy basqarmasymen yntymaqtastyq ornatu perspektivalaryn talqylady.
Kezdesudıŋ qorytyndysy boiynşa AÖSŞK Aǧa lauazymdy tūlǧalar komitetıne (ALTK) 27 mausymda Astanada ötetın kezektı ALTK otyrysynda atalǧan mäseleler boiynşa şeşım qabyldauǧa ūsynys jasaldy.
