IIM-de esırtkı qylmysyna qarsy ıs-qimyl departamentı basşylyǧy AQŞ Ädılet ministrlıgınıŋ esırtkıge qarsy küres basqarmasynyŋ (DEA) Qazaqstandaǧy ökıldıgınıŋ attaşesı Karmen Deşeplomen kezdestı, dep habarlaidy astana-akshamy.kz.
Departament bastyǧynyŋ orynbasary Baqytjan Ämırhanov kezdesuge qatysuşylardy esırtkı qylmysyna jäne esırtkı biznesıne qarsy ıs-qimyl şaralary, onyŋ ışınde Ükımet pen eldıŋ müddelı organdary qabyldaityn şaralar turaly habardar ettı.
Karmen Deşeplo jinalǧandardy özınıŋ qyzmettık mındetterımen, sondai-aq DEA jaŋadan kelgen qyzmetkerlerımen tanystyrdy.
Kezdesude esırtkıge qarsy halyqaralyq yntymaqtastyqty keŋeitu, Qazaqstan ökılderın sintetikalyq esırtkıge qarsy küres, onyŋ ışınde internet-resurstardy paidalanu arqyly esırtkı zerthanalaryn qauıpsız tekseru boiynşa oqytu mäselesı talqylandy.
Taraptar esırtkı biznesımen küreste özara ıs-qimyldy jandandyru jäne özektı aqparatpen tūraqty negızde almasu qajettıgı turaly qorytyndyǧa keldı.
Kezdesu özara tüsınıstık pen syndarly dialog formatynda öttı.
