19-23 mausym aralyǧynda Aqtau qalasynda qazaq diasporasynyŋ balalaryna arnalǧan «Qazaqstan – ata jūrtym, qasietım – ana tılım» atty XXI Halyqaralyq qazaq tılı men ädebietı olimpiadasy bastau aldy, dep habarlaidy astana-akshamy.kz.
Oǧan Türkımenstan, Özbekstan, Resei, İran jäne Qytaidan 50-ge juyq oquşy qatysuda. Mūndaǧy maqsat – qazaq diasporasy balalarynyŋ ana tılıne, ädebietıne, tarihyna qyzyǧuşylyqtaryn yntalandyru jäne daryndy jas lingvister men ädebietşılerdı anyqtau. Olimpiada 3 tur boiynşa ötedı: esse jazu, «Tarihi tanym» zertteu jūmystaryn qorǧau, «Öz ūltymdy süiemın» taqyrybynda şyǧarmaşylyq tanystyrylym jasu.
Erejege säikes, qatysuşy elderdıŋ ärbır komandasy 14-18 jas aralyǧyndaǧy 8 oquşydan jäne 2 jetekşıden tūruy tiıs.
Aita ketsek, jeŋımpazdar men jüldegerler QR Oqu-aǧartu ministrlıgınıŋ I, II jäne III därejelı diplomdarymen, sondai-aq altyn, kümıs jäne qola medaldarmen marapattalady. Erekşe jetıstıkke qol jetkızgen qatysuşylarǧa «Daryn» RǦPO-nyŋ gramotalary men baǧaly syilyqtary berıledı, al eŋ üzdıkterge QR bedeldı JOO-nyŋ rektorlyq bılım granttary tabystalatyn bolady.
