Keşe Astana qalasy Nūra audandyq Ardagerler keŋesınıŋ ekınşı plenumy öttı. Jiynda ötken jylǧy jūmystar qorytyndylanyp, 2024 jyldyŋ jospary aiqyndaldy.
Plenumǧa atalǧan audan boiynşa Ardagerler keŋesı müşelerımen qatar, Astana qalalyq Ardagerler keŋesınıŋ töraǧasy Sansyzbai Esılov, Nūra audany äkımınıŋ orynbasary Äliia Äbsemetova qatysty. Byltyrǧy jūmys qorytyndysy turaly audandyq Ardagerler keŋesınıŋ töraǧasy Aitmaǧambet Aipov baiandady. Kün tärtıbınde ötken jyldyŋ qorytyndysymen qatar, qarttardyŋ densaulyǧyn saqtau mäselelerı jäne keŋestıŋ «Ürker» tūrǧyn alabyndaǧy bastapqy ūiymynyŋ esebı de tyŋdaldy.
– Qūrylǧanymyzǧa 6 ai ǧana uaqyt ötse de, qalanyŋ qoǧamdyq ömırındegı jūmystarǧa belsene kırısıp kettık. Bügınde keŋestıŋ 3 bastauyş ardagerler ūiymy bolsa, soǧan 1558 adam tırkelgen. Taǧy 1016 ardagerdıŋ basyn qosyp, bastauyş ūiym qūru kerek. Jalpy audanda barlyǧy 3116 zeinetker bar. Sonyŋ ışınde tylda jūmys ıstegender sany – 54. Qazırgı taŋda audan zeinetkerlerınıŋ 30 paiyzy äzırge Dostyq köşesı, 13 mekenjaiynda ornalasqan «Belsendı ūzaq ömır süru» ortalyǧyna barady. Osy köktemde Nūra audanynyŋ özınde osyndai ortalyq aşylady dep otyrmyz, – dei kele, A.Aipov äzırge audandyq Ardagerler keŋesınıŋ jūmysyn dūrys jürgızuge jaǧdai jasala qoimaǧanyn jetkızdı. Sonymen qatar audanǧa qarasty 4 emhanada da qarttar densaulyǧy üşın maŋyzdy gerontologiia qyzmetınıŋ joǧyn aitty.
Astana qalalyq Ardagerler keŋesınıŋ töraǧasy Sansyzbai Esılovtıŋ aituynşa, bügınde Astanada 123 myŋ zeinetker bolsa, solardyŋ tek 60 myŋy ǧana Ardagerler keŋesıne tırkelgen.
– Basty maqsatymyz – qaladaǧy zeinetkerlerdıŋ qūqyǧyn qorǧau, alaida olar da bızge kelıp tırkelıp, qoldau bıldıruımızge mümkındık tudyruy kerek. Sondyqtan jaŋa audannyŋ Ardagerler keŋesınıŋ aldyndaǧy basty mındet – barlyq zeinetkerdı öz qataryna tartu, olardy esepke alu.
Plenumda basqa da ardagerler söz alyp, audan kölemınde özderı körıp jürgen özektı mäseleler jönınde oi bölıstı. Nūra audany äkımınıŋ orynbasary Äliia Äbsemetova audannyŋ bolaşaǧy zor ekenın aityp, plenumda köterılgen mäseleler boiynşa alda atqarylatyn jūmys jospary bar ekenın jetkızdı.
