Elordada Parlament deputattarynyŋ köşpelı jūmys ıs-şaralary jalǧasty. Mäjılıs deputaty Däulet Tūrlyhanov Baiqoŋyr audany ardagerlerımen kezdesu ötkızdı.
Baiqoŋyr audandyq «Belsendı ūzaq ömır süru ortalyǧy» mekemesınde ötken kezdesu basynda Däulet Tūrlyhanov özı sailanǧan Astana qalasynyŋ №2 sailau okrugı boiynşa atqarylǧan ıs-şaralar turaly, Parlamenttegı jūmys barysy jaiynda aityp berdı. Audan aumaǧynda jürgızılıp jatqan mektep qūrylysy, sumen qamtamasyz etu, käsıporyn jūmysşylarynyŋ äleumettık mäselelerı jönındegı oi-pıkırın ortaǧa saldy. Sondai-aq jinalysqa qatysqan Astana qalasy mäslihatynyŋ deputaty Dinara Urazalina, Jūmyspen qamtu jäne äleumettık qorǧau basqarmasy basşysynyŋ orynbasary Erkebūlan Malik, «Belsendı ömır süru ortalyǧy» KMM basşysynyŋ orynbasary Marat Äubäkırov elordada ardagerler qauymyna jasalyp jatqan igı ıs-şaralar turaly aitty.
– Astana öte qarqyndy damyp kele jatqan qala bolǧandyqtan, onyŋ äleumettık infraqūrylymyn jetıldıru, jaŋartu özektı bolyp otyr. Mäselen, keibır mektepterde üş auysymmen oqu jalǧasyp jatyr, bıraq ol mektepterdıŋ janynan qosymşa ǧimarattar tūrǧyzylyp jatyr. Biylǧy oqu jyly aiaqtalǧanǧa deiın bırneşe mektep paidalanuǧa berıleiın dep otyr. Men deputat retınde osy oqu mekemelerındegı qūrylys jūmysyn ūdaiy nazarda ūstap kelemın. Sondai-aq «Astana su arnasy», «Astana kögaldandyru qūrylysy» käsıporyndary jūmysşylarymen kezdesıp, olardyŋ äleumettık jaǧdaiyn jaqsartu boiynşa mälımetterdı bıldım. Qalany sumen qamtamasyz etetın nysandardyŋ jūmysymen de tanystym. Osyndai jūmystar arqyly oryn alǧan problemalardy qala basşylyǧyna jetkızemın, qajet bolǧan jaǧdaida, zaŋnamalyq tūrǧydan özgerıster men tolyqtyrular engızuge müddelık tanytamyn, – deidı Däulet Bolatūly.
Kezdesuge kelgen ardagerler qauymy deputatqa özderın tolǧandyrǧan saualdaryn da qoidy. Däulet Tūrlyhanov ärbır sūraqqa egjei-tegjeilı jauap berdı. Ardagerler tarapynan, äsırese, jastardyŋ jaman ädetterge boi ūsynyp bara jatqany turaly saual köp qoiyldy. Būl rette deputat Mäjılıstegı jūmysynda esırtkı, ziiandy susyn-ışımdıkter, elektrondy temekınıŋ jastarǧa tigızıp otyrǧan zardaby turaly bırneşe ret deputattyq saual jasaǧanyn, osy baǧytta zaŋdylyqty qataitu jönınde jūmys jürgızılıp jatqanyn mälım ettı.
Kezdesu barysynda deputat zeinetkerlerdıŋ qolönerın tamaşalap, sportpen şūǧyldanyp jürgen ardagerlermen emın-erkın äŋgımelestı. «Belsendı ömır süru ortalyǧy» mekemesınıŋ ūjymyna jäne jūmysyna rizaşylyǧyn bıldırdı.
