Elorda äuejaiyndaǧy jaǧdai tūraqtalyp keledı. Osyǧan deiın tötenşe jaǧdai saldarynan Astana äuejaiynan ūşatyn 18 reis (14 reis Qazaqstan ışınde, 4 halyqaralyq reis) keşıktırılgen edı. Äuejaidyŋ ışkı jäne halyqaralyq reister terminalyndaǧy jūmys 10:48-de jandanyp, jolauşylar tırkeuden öte bastady, astana-akshamy.kz.
DV702 Astana-Şymkent reisı 12:23-te, IQ389 Astana-Jezqazǧan 12:26-da, IQ437 Astana-Petropavl 13:38-de jäne KC952 Astana-Almaty 12:46-da, KS7052 Astana-Almaty 13:36-da, KC205 Astana-Dubai 13:04-te ūşty.
Tötenşe jaǧdai kezınde elorda äuejaiynda QR Kölık ministrlıgı Azamattyq aviasiia komitetınıŋ basşylyǧy, QR Aviasiialyq äkımşılıgı qyzmetkerlerı jäne Terminals Airport Astana Management LLP, äuejai qyzmetkerlerınıŋ qatysuymen operativtı ştab qūrylyp, jedel äreket ettı.
Evakuasiialanǧan jolauşylarǧa susyn, jeŋıl taǧam ūsynyldy.
Jolauşylardyŋ qauıpsızdıgı äuejai basşylyǧynyŋ basty nazarynda. Sondyqtan äuejaidaǧy qauıpsızdık şaralaryn qalypqa keltıru jäne küşeitu şaralaryn ärı qarai jalǧastyrady. Osyndai sätte äuejai qyzmetkerlerıne qoldau bıldırıp, qiyn jaǧdaida tüsınıstık tanytqan jolauşylarymyzǧa alǧys bıldıremız.
