Ortalyq-Oŋtüstık dälızıne jatatyn respublikalyq maŋyzy bar Astana-Almaty küre jolynyŋ qūrylysy aiaqtaluǧa jaqyn, dep habarlaidy astana-akshamy.kz
Qūrylys jūmystary aiasynda Qaraǧandy-Balqaş, Balqaş-Būrylbaital, Būrylbaital-Kürtı jäne Şamalǧan stansiiasynyŋ ainalma joly jobalary jüzege asyp jatyr. Būl joldyŋ jalpy ūzyndyǧy – 946 şaqyrym.
Kölık ministrı Marat Qarabaev qūrylys jūmystary jürıp jatqan jol uchaskelerınıŋ basyna baryp, jauapty merdıger ūiymdardyŋ ökılderımen kezdesken.
«Astana men Almaty arasyndaǧy joldyŋ qūrylys sapasyn koreialyq Dongsung Engineering jäne ISAN Corporation kompaniialary baqylauǧa aldy. Kompaniia injenerlerı tehnikalyq qadaǧalaudy jürgızıp, ünemı qūrylys basynda», – delıngen Kölık ministrlıgınıŋ baspasöz qyzmetı ūsynǧan aqparatta.
Kölık ministrlıgınıŋ Avtomobil joldary komitetınde atap ötkendei, uchaskelerdıŋ bır bölıgı jazdyŋ ortasynan bastap qoldanysqa berılse, qalǧan bölıgı 2024 jyldyŋ soŋyna deiın halyq igılıgıne tapsyrylady.
Mäselen, jalpy ūzyndyǧy 363 şaqyrym Qaraǧandy-Balqaş küre jolynyŋ boiynda ainalma joldar müldem qalǧan joq. Joba aiasynda 11 köpır, auyl şaruaşylyǧy tehnikasynyŋ ötuı üşın arnalǧan 32 jol ötpesı, kölık airyǧy jäne temır jol arqyly ötetın jol ötpesınıŋ qūrylysy tolyq aiaqtalǧan. Qazır abattandyru jūmystary jürgızılıp jatyr. Sondai-aq, jolşylar asfalttyŋ joǧarǧy qabatyn tösep, jol qozǧalysy qauıpsızdıgın qamtamasyz etu üşın arnaiy tosqauyl qorşaularyn ornatyp jatyr. Nysandy 2024 jyldyŋ qazan aiynda paidalanuǧa beru közdelıp otyr.
Byltyr mamandar Balqaş-Būrylbaital küre jolynyŋ jalpy ūzyndyǧy 127 şaqyrym 3 uchaskesın paidalanuǧa tapsyrdy. Biyl qalǧan 3 uchaske qoldanysqa berıledı.
Jalpy ūzyndyǧy 81 şaqyrym Kürtı-Būrylbaital joly biyl jazda tapsyrylady. Qazır mamandar jol boiynda abattandyru jūmystaryn jürgızıp jatyr. Sonymen qatar biyl jazda Şamalǧan beketınıŋ ainalma joly da qoldanysqa berılmek.
Joǧaryda atalǧan jol uchaskelerı I-b tehnikalyq sanatyna säikes tört jolaqty bolatynyn atap ötken jön.
