Elorda künıne orai qalada 5 pen 16 jas aralyǧyndaǧy balalar men jasöspırımderge arnalǧan «Astana Hanşaiymy – 2024» sūlulyq baiqauy ūiymdastyryldy, dep habarlaidy astana-akshamy.kz
Baiqauǧa Astana, Aqtau, Qonaev, Qyzylorda, Oral jäne Pavlodar qalalarynan 45 bala qatysty. Is-şara elorda äkımdıgınıŋ qoldauymen ūiymdastyryldy.
«Auqymdy ıs-şara Qazaqstannyŋ tükpır-tükpırınen köptegen jūldyzdar keldı. Men bal biın bileimın, tolqyp tūrmyn. 13 pen 16 jas aralyǧyndaǧy 3 jas sanatynda öner körsetemın. Ärine, jeŋıske jetudı közdep otyrmyn, – dedı baiqauǧa qatysuşy Iаmura Qabikenova.
Sūlulyq baiqauynyŋ negızgı maqsaty – balalar men jasöspırımderdıŋ kimeşek, säukele, jaulyq, qamzol, bas kiım (taqiia) siiaqty ūlttyq kiımderdıŋ qūndylyǧyn beineleitın qazaq halqynyŋ mädeni mūrasymen bailanysyn qalpyna keltıru.
«Osy künge deiın ata-anamnyŋ qoldauymen bır aidan astam uaqyt boiy bige daiyndadym. Tolqyp tūrmyn, degenmen bügın özımdı jaqsy jaǧynan körsetıp, jüldelı orynǧa ie bolamyn dep ümıttenemın. Baiqaudyŋ barlyq qatysuşylaryna sättılık tıleimın!» – dedı baiqauǧa qatysuşy Aizere Qūrmanǧalieva.
