Astana künıne arnaldy
![](https://astana-akshamy.kz/wp-content/uploads/2024/07/35a4662-780x470.jpg)
Astana künın merekeleu aiasynda Astana qalasynyŋ äkımdıgı men Erkeǧali Rahmadiev atyndaǧy Memlekettık akademiialyq filarmoniiasy bırlese «FILARMONIA FEST – 2024» jobasyn ūsyndy.
Filarmoniianyŋ bas direktory Erlan Däkenov şyǧarmaşylyq ūjymynyŋ jetıstıgıne toqtalyp, halyqtyŋ ruhani kemeldılıgın arttyruda tynbai eŋbektenıp kele jatqandyqtaryn ärı būl joly arnaiy elorda künıne orai ūiymdastyrylǧan muzykalyq ıs-şaranyŋ orny erekşe ekendıgın aitady.
– Bızdıŋ filarmoniia – HIH ǧasyrdyŋ basynan berı önerdıŋ tamyry soǧyp tūrǧan qalanyŋ muzykalyq jüregı, elordadaǧy erteden kele jatqan mädeniet mekemelerınıŋ bırı. Bügıngı taŋda filarmoniia qūramynda 13 şyǧarmaşylyq ūjym jemıstı eŋbek etude. Qyzmetkerler sany 600 adamdy qūraidy. Elordalyq filarmoniianyŋ mındetı – ärtürlı baǧyttaǧy muzykalyq şyǧarmalardy nasihattai otyryp, joǧary aǧartuşylyq qyzmettı oryndau, aǧartuşylyq jäne mädeni qūndylyqtardy nasihattau, öskeleŋ ūrpaqty tärbieleu, ūlttyq jäne älemdık önerdıŋ ruhani mūrasyn saqtau jäne köbeitu. Al osynyŋ bärın astanalyq filarmoniia tolyq kölemde jüzege asyryp keledı, – deidı atalǧan filarmoniianyŋ bas direktory.
Şynymen de dästürlı türde jyl saiyn ūiymdastyrylatyn auqymdy muzyka merekesı qoǧamda merekelık atmosfera men jaǧymdy köŋıl-küi qalyptastyryp, filarmoniianyŋ şyǧarmaşylyq ūjymdarynyŋ şyǧarmaşylyǧyn tanymal etıp, jeke brendtı qalyptastyruǧa, otbasylyq qūndylyqtardy damytuǧa, öskeleŋ ūrpaqtyŋ adamgerşılık jäne körkemdık baǧdarlaryn aiqyndauǧa jūmys ıstep keledı.
Taǧy bır aita ketetın jait, joba aiasynda «Bormen suret salu» jäne «Keskındeme» atty ekı nominasiiada üzdık jūmystardy marapattaumen qatar, «Muzyka balalar közımen» balalar suret baiqauy, «Saryarqa» halyq muzykasy ansamblınıŋ jäne Simfoniialyq orkestrdıŋ «Muzykalyq aspaptar älemıne saiahat» atty jas muzykanttarǧa arnalǧan şeberlık saǧattary jäne filarmoniia alaŋynda filarmoniianyŋ barlyq ūjymdarynyŋ qatysuymen elordanyŋ 26 jyldyǧyna arnalǧan 26 sanyn qūrumen jappai fleşmob ūiymdastyryldy. Sondai-aq filarmoniia ūjymdarynyŋ qatysuymen Esıl özenınıŋ jaǧasynda jäne elordalyq Arbat boiynda muzykalyq şeru öttı.
Şapaǧat ÄBDIR