Astana künıne orai būqaralyq veloşeru ūiymdastyryldy, dep habarlaidy astana-akshamy.kz
Velosiped mausymy bastalǧaly berı «Jasyl beldeu» aumaǧynda törtınşı märte būqaralyq veloşeru ötkızılıp jatyr.
Jaz mezgılı mektep oquşylary men köptegen qyzmetkerlerdıŋ demalys uaqytyna säikes kelgendıkten, ülken qalalarǧa aǧylatyny belgılı. Kezektı veloşeruge osy mausymdaǧy eŋ köp 605 äuesqoi sportşy bas qosty.
Dästürlı 25 şaqyrymdyq qaşyqtyqty baǧyndyruǧa qatysuşylar Ürker eldı mekenınıŋ «Jasyl beldeu» saiabaǧyna deiıngı aralyqty jürıp öttı.
Bügıngı veloşeruge Astana qalasynyŋ tūrǧyndarynan bölek, Aqmola, Almaty, Atyrau, Jambyl, Pavlodar oblystary jäne Şymkent qalasynan da qatysty.
«Atyrau oblysynan keldım. Qazırgı uaqytta Astanada oqu-jattyǧu jiyndaryn ötkızıp jatyrmyz. Aldaǧy künderı veloşosseden chempionatqa qatysamyz. Bügın demalys bolǧandyqtan, jattyǧudan bölek, «Jasyl beldeudı» de kördım. Jap-jasyl. Auasy taza, typ-tynyş. Jol boiy keremet suretterge tüsıp keldık. Qala künı uaqytyna tūspa-tūs kelgenımızge quanyştymyn!» – dedı Jantılek Joldas.
Sondai-aq, qatysuşylar arasynda lotereia oinatylyp, nätijesınde 10 adam velosiped ūtyp aldy.
«Astana qalasy jyl saiyn keŋeiıp, sport ortalyǧyna ainalyp keledı. Är apta saiyn būqaralyq jügıru, velosport t.b jarystar jiı ötedı. Al «Jasyl beldeudıŋ» orny bölek. Kädımgıdei sergıp qalasyŋ. Aua raiy da öte qolaily boldy. Is-şara soŋynda lotereiadan velosiped te ūtyp aldym. Būl da men üşın qosymşa quanyş. Barşaŋyzdy kele jatqan qala künımen qūttyqtaimyn!» – dep qala tūrǧyny Serık Halelov öz quanyşymen bölıstı.
Merekenıŋ soŋynda dästür boiynşa barlyq qatysuşylarǧa palau men tättı kompot taratyldy.
