Astanadaǧy jeŋıl relstı kölık jüiesınıŋ (Astana LRT jobasy) jerüstı negızgı qūrylys jūmystary 30 tamyzda aiaqtalady. Būl turaly China construction kompaniiasy şeteldık biznes departamentınıŋ bas menedjerı Han Iýlon aitty, dep habarlaidy astana-akshamy.kz.
– Qazırgı uaqytta baǧanalardy ornatu jūmysy 90%-ǧa, al beton arqalyqtardy ornatu 68%-ǧa aiaqtaldy. Aialdamalardyŋ qūrylysy 80%-ǧa daiyn. Bekıtılgen jospar boiynşa, negızgı qūrlys jūmystaryn 30 tamyzǧa deiın aiaqtap, baǧanalardyŋ arasy tolyqtai jalǧasady, – dedı Han Iýlon.
Onyŋ aituynşa, qazırgı uaqytta uchaskede 1605 jūmysşy bar.
– Astananyŋ mausymdyq erekşelıgın eskere otyryp, qūrylys jūmystary jaz ailarynda qarqyndy jüredı. Negızgı qūrylys jūmysy aiaqtalǧannan keiın, joba kelesı kezeŋge ötedı, – dedı China construction bas menedjerı.
Aita keteiık, Astana LRT qūrylysy 2017 jyly mamyr aiynda qytai kompaniialary käsıporyndarynyŋ konsorsiumy küşımen bastalǧan. Josparǧa säikes, LRT jelısı äuejai men «Nūrly jol» temırjol vokzalyn bailanystyrady, ūzyndyǧy – 22,4 km. Qala boiynşa 18 stansiia jäne 19 bırlık jyljymaly qūram bolady.
