Äbu-Dabide biyl 13-15 mamyr aralyǧynda ötken «Abu-Dhabi Healthcare Global Week» auqymdy halyqaralyq körmesınde Astanadaǧy Qazaqstannyŋ jetekşı klinikalarynyŋ medisinalyq äleuetı tanystyryldy.
«Abu-Dhabi Healthcare Global Week» – Äbu-Dabi Densaulyq saqtau departamentı Äbu-Dabi taq mūragerı şeih Haled ben Mohamed ben Zaid äl Nahaiannyŋ joǧary qamqorlyǧymen ūiymdastyrǧan eŋ ırı ükımettık körme. Is-şarada densaulyq saqtau jüiesın jaqsartuǧa baǧyttalǧan innovasiialar men yntymaqtastyqty talqylau üşın salanyŋ jetekşı ökılderı jinaldy. Atalǧan körmege älemnıŋ türlı elınen 5000-nan astam adam, 100 eksponent, 200 spiker-sarapşy jäne 1000 konferensiia delegaty qatysty.
Elorda medisinasynyŋ äleuetın körsetu üşın Astana qalasynyŋ medisinalyq turizmın damytuǧa yqpal etetın «Astana damu ortalyǧy» JŞS, Qazaqstannyŋ medisinalyq turizm qauymdastyǧy jäne de qalanyŋ jetekşı klinikalarynan qūralǧan Astana qalasynyŋ delegasiiasy bardy. Qatysuşylar arasynda «University Medical Center» korporativtık qory, «Ümıt» halyqaralyq tomoterapiia onkologiia ortalyǧy, «Ūlttyq ǧylymi onkologiia ortalyǧy» JŞS, «Doctor Dent» stomatologiia klinikasy, «Aqjan LTD» JŞS lazer medisinasy klinikasy, «Callisto Beauty Clinic» medisina ortalyǧy siiaqty Astana qalasynyŋ jetekşı mekemelerı bar. Körme aiasynda elordaǧa emdelu maqsatynda keletın turisterdı qyzyqtyratyn neirohirurgiia, onkologiia, stomatologiia, plastikalyq hirurgiia, kardiohirurgiia siiaqty basym baǧyttar boiynşa Astana qalasy medisinasynyŋ äleuetı tanystyryldy. Sonymen qatar ıs-şarada Qazaqstandaǧy medisina turizmı qauymdastyǧy Bırıkken Arab Ämırlıgınıŋ Best Med jäne Stemar siiaqty ırı medisina kompaniialarymen yntymaqtastyq jönındegı memorandumǧa qol qoidy. Būl şara Astana medisinasynyŋ äleuetın şeteldık naryqqa tanystyruǧa, elordaǧa emdelu maqsatynda keletın turister sanyn arttyruǧa septıgın tigızedı. Aita keteiık, Astana qalasynda älemdık medisina salasynda «altyn standart» sanalatyn JCI halyqaralyq sertifikatyna ie 7 medisina ortalyǧy jūmys ısteidı.
