Qazaqstan Respublikasy Syrtqy ıster ministrınıŋ orynbasary Älıbek Baqaev pen Japoniianyŋ Syrtqy ıster ministrlıgı Europa ısterı biurosynyŋ Bas direktory Masaşi Nakagomemen ötken kelıssözder barysynda Qazaqstan men Japoniia arasyndaǧy saiasi jäne ekonomikalyq yntymaqtastyqtyŋ qazırgı jaǧdaiy keŋınen talqylandy, dep habarlaidy astana-akshamy.kz.
Kezdesude taraptar strategiialyq serıktestıktı odan ärı nyǧaitudyŋ, sauda-ekonomikalyq bailanystardy jandandyrudyŋ, sondai-aq ekıjaqty şarttyq-qūqyqtyq bazany keŋeitudıŋ negızgı aspektılerın jan-jaqty qarastyrdy.
Sonymen qatar, BŪŪ jäne MAGATE siiaqty köpjaqty qūrylymdar aiasyndaǧy üilestırudıŋ özektı mäselelerı boiynşa pıkır almasyldy.
Ekı tarap «Ortalyq Aziia + Japoniia» Dialogynyŋ aldaǧy Bırınşı Sammitınıŋ maŋyzdylyǧyn atap öttı.
Ä.Baqaev elderımız arasyndaǧy saiasi jäne ekonomikalyq yntymaqtastyqty nyǧaituǧa jäne strategiialyq serıktestıktı odan ärı damytuǧa yqpal etuge baǧyttalǧan joǧary deŋgeidegı saparlardy ūiymdastyrudyŋ qajettılıgıne toqtaldy.
Öz kezegınde, M.Nakagome kölık, logistika, adam resurstaryn damytu jäne «jasyl» ekonomika siiaqty basym salalardaǧy özara ıs-qimyldyŋ äleuetı turaly habardar ettı.
Kelıssözder qorytyndysy boiynşa sūhbattastar Qazaqstan men Japoniia arasyndaǧy tiımdı yntymaqtastyqty odan ärı nyǧaitu maqsatynda syrtqy saiasi vedomstvolary deŋgeiınde tyǧyz dialogty jalǧastyruǧa kelıstı.
Soŋǧy jaŋalyqtar
