Astana poliseilerı sintetikalyq esırtkı tasuşylardyŋ jolyn kestı, dep habarlaidy astana-akshamy.kz
“Qarasora” jedel-profilaktikalyq ıs-şarasy barysynda elordalyq polisiia qyzmetkerlerı Astana qalasy boiynşa ŪQKD qyzmetkerlerımen bırlesıp, Astana – Pavlodar tas jolyndaǧy baqylap-ötkızu punktınde 23 jastaǧy jolauşysymen 37 jastaǧy azamat basqarǧan Chevrolet Cobalt avtokölıgın toqtatqan.
Kölık salonyn tıntu kezınde jolauşylar otyrǧyşynyŋ astynan arnaiy iısı bar tüiır konsistensiialy aşyq tüstı zaty bar ekı plastik paket, pyşaq jäne 2 telefon tabylǧan. Sarapşynyŋ qorytyndysyna säikes, zat salmaǧy şamamen 2 kelı bolatyn “Alfa – PVP” esırtkı zaty bolyp şyqty. Anyqtai kelgende, olardyŋ Pavlodarǧa tyiym salynǧan zattardy tasymaldap jürgenı jäne esırtkı zattardy taratatyn internet-dükenderdıŋ kurerlerı ekenı anyqtaldy.
Osy faktı boiynşa asa ırı kölemde esırtkı, psihotroptyq zattardy, sol tektesterdı ötkızu maqsatynda zaŋsyz daiyndau, qaita öŋdeu, iemdenu, saqtau, tasymaldau, jöneltu ne ötkızu faktısı boiynşa qylmystyq ıs qozǧaldy. Ūstalǧandar Astana qalasy polisiia departamentınıŋ uaqytşa ūstau izoliatoryna qamaldy.
