Qazaqstandyq stipendiattar älemnıŋ jetekşı medisinalyq universitetterınıŋ bırınde oqu jäne zertteu jūmystaryn jürgızu üşın bıregei mümkındıkter alyp otyr, dep habarlaidy astana-akshamy.kz
«Bolaşaq» prezidenttık stipendiiasynyŋ jäne 500 ǧalymnyŋ ǧylymi taǧylymdamadan ötuınıŋ äkımşısı «Halyqaralyq baǧdarlamalar ortalyǧy» Niderlandydaǧy Erazmus universitetınıŋ jetekşı medisinalyq ortalyǧy Erasmus MC-pen yntymaqtastyq turaly memorandumǧa otyrdy.
Qūjatqa qol qoiu räsımı Astana qalasynda Niderlandy Koroldıgınıŋ Qazaqstandaǧy Elşılıgı men «KAZAKH INVEST» ŪK AQ qoldauymen öttı.
Memorandum aiasynda qazaqstandyqtar «500 ǧalym» ǧylymi taǧylymdamadan öte alady jäne Erasmus MC-te «Bolaşaq» baǧdarlamasy boiynşa akademiialyq bılım ala alady.
«Bız Erasmus MC siiaqty bedeldı oqu ornymen serıktestık turaly habarlauǧa quanyştymyz. Būl yntymaqtastyq bızdıŋ stipendiattarymyzǧa älemnıŋ jetekşı medisinalyq universitetterınıŋ bırınde oqytu jäne zertteu üşın bıregei mümkındıkter beredı. Erazmus MC ökılderı «Bolaşaq» boiynşa, «500 ǧalym» ǧylymi taǧylymdamadan jäne doktoranturadan ötuge niet bıldırgen ümıtkerlerge şaqyru aluǧa kömektesuge daiyn ekendıkterın bıldırdı», – dedı «Halyqaralyq baǧdarlamalar ortalyǧy» AQ basqarma töraǧasynyŋ m.a. A.Aşkin.
Sondai-aq Erasmus MC qazaqstandyqtarǧa medisinalyq ortalyqtaǧy jataqhanadan oryn beredı jäne aǧylşyn tılınde oqytudy ūiymdastyruǧa kömektesedı.
«Bızdıŋ serıktestıgımız özara tiımdılık äkeledı jäne densaulyq saqtau salasyndaǧy bılım men ǧylymnyŋ innovasiialyq damu mümkındıgın nyǧaitady dep ümıttenemız», – dedı Erasmus MC ökılı Ruslan Mamedov.
Erasmus MC – Niderlandynyŋ Rotterdam qalasynda ornalasqan jetekşı universitettık medisinalyq ortalyq. Medisinalyq ortalyq är türlı klinikalyq zertteuler boiynşa üzdık halyqaralyq ūiymdardyŋ reitingınde, sondai – aq ortalyqtyŋ klinikaǧa deiıngı, klinikalyq medisina jäne densaulyq ǧylymdary salasyndaǧy zertteu jūmystarynyŋ äser etu indeksı üzdıkterdıŋ bırı bolyp tabylady jäne 2,55 qūraidy (mysaly, Garvard universitetınde būl körsetkış-2,37). Jürgızılıp jatqan zertteulerdıŋ jalpy maqsaty ǧylymi jaŋalyqtardy klinikalyq praktikaǧa engızuge baǧyttalǧan jäne klinikaǧa deiıngı, klinikalyq jäne medisinalyq ǧylymdardaǧy zertteulerdıŋ barlyq salalaryn qamtidy.
