Elordadaǧy triatlon parkınde biylǧy jyldyŋ eŋ köpten kütken jarysy – «ASTANA TRIATHLON» sporttyq ıs-şarasy öttı, dep habarlaidy astana-akshamy.kz
Jarysqa 200-ge juyq äuesqoi sportşy qatysy. Olardyŋ qatarynda Dastan Ordabai, Ämır Alpamys jäne Azamat Äşırbai syndy elordalyq autizmı bar sportşylar alǧaş ret boi körsettı.
Ūiymdastyruşylardyŋ pıkırınşe, Astanadaǧy jarysqa tek qala tūrǧyndary ǧana emes, Qazaqstannyŋ tükpır-tükpırınen arnaiy keletınderdıŋ qatary köp.
«Būl jarys biylǧy köpten kütken ıs-şara desem de bolady. Būl jarysqa tek elordalyq tūrǧyndar ǧana emes Pavlodar, Qaraǧandy, Kökşetau syndy qalalardan kelgen äuesqoi sportşylar da qatysuda. Sondai-aq Ortalyq Aziia boiynşa alǧaş ret bızdıŋ qazaqstandyq para sportşylar qatysyp otyr. Olar üşın būl jarysqa qatysudyŋ özı jeŋıspen para-par. Osyndai erekşe qajettılıkterı bar sportşylarymyzǧa qarap, elordada para sportymyz soŋǧy jyldary jaqsy damyp kele jatqanyŋ aŋǧaruǧa bolady» – dedı Astana qalasy Dene şynyqtyru jäne sport basqarmasy basşysynyŋ orynbasary İslambek Baimanov.
Jarys barysynda qatysuşylar 3 sport türınen ekı qaşyqtyqta iaǧni, sprint jäne olimpiadalyq qaşyqtyq boiynşa synǧa tüstı.
Jarys soŋynda är jas tobyndaǧy triatlon jeŋımpazdary diplomdarmen, medaldarmen marapattaldy.
