«Elımızdıŋ demografiialyq damu salasyndaǧy tendensiialarǧa toqtalsaq, 2021 jyly soŋǧy 34 jyldaǧy eŋ joǧary tuu körsetkışıne qol jetkızdık. Bügınde Almaty, Şymkent, Astana qalasy jäne Türkıstan, Maŋǧystau oblysynda halyq sanynyŋ ösımı jaqsy deuge bolady». QR Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ töraǧasy, Mädeniet jäne aqparat ministrı Aida Balaeva Senatta ötken Ükımet saǧatynda osylai dedı, dep habarlaidy astana-akshamy.kz.
Onyŋ aituynşa, keiıngı jyldary elımızde tuu körsetkışı rekord ornatqan. Halyq sanynyŋ artuy memleket aldyna jaŋa mındetterdı qoiyp otyr.
«Memleket basşysy demografiialyq özgerısterdı boljap, olardyŋ saldarymen küresu üşın uaqtyly şaralar qabyldau qajettıgın basa aitty. Qostanai, Soltüstık Qazaqstan oblystarynda adam azaiǧan. Halyq sany ortaşa deŋgeide ösuı Qyzylorda jäne Atyrau oblysyna tiesılı. Halyq tyǧyz ornalasqan jäne sany artyp jatqan aimaqtar boiynşa memlekettıŋ aldynda köptegen äleumettık jäne ekonomikalyq mındetter tūr. Elımızdıŋ demografiialyq damuyna äser etetın ana men bala ölımın azaitu, otbasyn qoldau, ajyrasudyŋ aldyn alu sekıldı mäseleler Ūlttyq komissiianyŋ erekşe baqylauynda», – deidı ol.
Foto: pexels.com
