ASTANA. KAZINFORM – Astanada qalany abattandyru boiynşa auqymdy jūmystar jürgızılude. Osy jyly 170 aula men qoǧamdyq keŋıstık abattandyrylady. Olardyŋ bır bölıgı qazırdıŋ özınde aiaqtaldy, dep habarlaidy astana-akshamy.kz
Mysaly, Almaty audanynda taǧy bır jaiau jürgınşıler keŋıstıgı paida bolady. Qazırgı uaqytta Aqbūlaq özenınıŋ jaǧasynan B.Momyşūly daŋǧylyna deiın sozylyp jatqan audannyŋ maŋyzdy arteriiasy — Täuelsızdık daŋǧylynyŋ jaiau jürgınşıler keŋıstıgın damytu boiynşa jūmystar jalǧasuda. Sondai-aq Täuelsızdık daŋǧyly, 6/1 jäne Täuelsızdık daŋǧyly men Küişı Dina köşesınıŋ qiylysynda taǧy ekı skverdı abattandyru belsendı jürgızılude. Jūmystarǧa tūrǧyndarǧa jaily demalys oryndaryn qamtamasyz etu üşın köleŋkelı şatyrlar jasau kıredı. Erekşe qoldaudy qajet etetınder üşın kedergısız orta qūrylady, būl olarǧa jaiau jürgınşıler aimaqtarynda erkın jüruge mümkındık beredı. Jaǧymdy atmosfera men jaily ortany qamtamasyz etu üşın kögaldandyruǧa jäne köleŋkelı şatyrlar jasauǧa erekşe nazar audarylady. Sondai-aq Almaty audanynda 2 qoǧamdyq keŋıstıktı: T.Jürgenov köşesı men Aqbūlaq özenınıŋ jaǧalauyn abattandyru jūmystary qatar jürgızılude.
Sonymen qatar «Jaǧalau» (Nūra audany) şaǧyn audanynda 18 gektar aumaqty keşendı abattandyru jürgızılude. Jūmys aiasynda 2 skver jäne 7 balalar alaŋy abattandyrylady. Jol infraqūrylymyn jaqsartu üşın 20 beinebaqylau kamerasy, 150 saiabaq jaryqtandyru tırekterı 150 qosymşa tūraq oryndaryn jabdyqtaidy jäne jöndeidı, 9 km trotuar jelısın salady. Abattandyru aumaǧynda jäne ırgeles köşelerdıŋ boiynda 1125 aǧaş otyrǧyzyldy. Jūmystar 10 myŋnan astam astanalyq tūratyn 19 üidıŋ aulasynda jürgızılude.
Sonymen qatar biyl Nūra audanynda 3 gülzar ornatylady. Būryn sauda ortalyqtarynyŋ qūrylysy josparlanǧan Tūran daŋǧylynda jüzdegen jasyl alaŋy bar ekı jaŋa qoǧamdyq keŋıstık paida bolady. Sondai-aq EK-32 köşesınde türıkmen aqyny Mahtumkulidıŋ qūrmetıne saiabaq salynyp, oǧan eskertkış ornatylady.
Saryarqa audanynda «Halyq qatysatyn biudjet» jobasy aiasynda D. Babataiūly köşesındegı 6, 8, 14, 16, 18 jäne Kendal köşesı, 2 üilerdıŋ aulalary kürdelı jöndeuden öttı.
Sondai-aq osy jyly Saryarqa audanynyŋ aumaǧynda qazırgı zamanǧy jailylyq pen qauıpsızdık standarttaryn eskere otyryp, Iýbileinaia köşesı, 22 jäne Jeŋıs daŋǧyly, 34 mekenjailary boiynşa ekı jaŋa qoǧamdyq keŋıstık paida bolady.
«Prigorodnyi» tūrǧyn alabynda (Esıl audany) Qabanbai batyr daŋǧyly, 105 jäne Qabanbai batyr daŋǧyly 105 «A» mekenjailary boiynşa aula aumaqtary aşyldy. Sondai-aq bırqatar mekenjailar boiynşa jöndeu-qalpyna keltıru jūmystary jürgızılude. Būdan basqa, «Halyq qatysatyn biudjet» jobasy boiynşa eŋ köp dauys jinaǧan 4 joba ıske asyrylatyn bolady. Olar: Almaty köşesı, 13 «Otandastar» TK, Saraişyq köşesı, 5/1, Qabanbai batyr daŋǧyly, 42, «İnfiniti-2» TK, Qabanbai batyr daŋǧyly, 40, «İnfiniti-1» TK.
Baiqoŋyr audanynda biyl 44 aula aumaǧy men 6 qoǧamdyq keŋıstık abattandyrylady. Taǧy 70 aula aumaǧy jöndeu-qalpyna keltıru jūmystarymen qamtylǧan.
