Elordanyŋ «Janūia» otbasy institutyn qoldau ortalyǧynda Qazaqstanda mausymnyŋ üşınşı jeksenbısınde atap ötıletın äkeler künıne orai «Äke şaŋyraqtyŋ tıregı» atty merekelık ıs-şara ūiymdastyryldy, dep habarlaidy astana-akshamy.kz.
Is-şaraǧa ortalyqtyŋ süiemeldeuındegı jäne erekşe qajettılıgı bar balalardy tärbielep otyrǧan, äleumettık az qamtylǧan otbasylardan jäne halyqtyŋ äleumettık osal toptarynan äkeler şaqyryldy.
Is-şaranyŋ maqsaty – äkenıŋ otbasyndaǧy jäne qoǧamdaǧy rölın arttyru, sondai-aq jauapty äke bolu mäselesıne jūrtşylyqtyŋ nazaryn audaru.
«Bügın bız äkelerge arnalǧan «Äke şaŋyraqtyŋ tıregı» atty ıs-şara ūiymdastyrdyq. Arnaiy spikerlerdı şaqyrdyq, olar balanyŋ ömırındegı äkenıŋ rölı turaly jan-jaqty mälımet berdı. Bügıngı ıs-şaranyŋ arqasynda bız jauapty äke bolu mäselesıne nazar audarǧymyz keledı. Osyndai kezdesulerdı bızdıŋ «Janūia» ortalyǧy tūraqty negızde ūiymdastyrady. Bız qiyn ömırlık jaǧdaiǧa tap bolǧan otbasylarǧa kömektesemız – olardy qoldaimyz jäne psihologiialyq, zaŋgerlık kömek körsetemız. Sonymen qatar, bız barlyq merekelerge köŋıl bölemız. Bügın elorda tūrǧyndaryn Äkeler künımen qūttyqtauǧa şaqyryp otyrmyz», – dedı «Janūia» otbasy institutyn qoldau ortalyǧynyŋ BAQ-pen özara ıs-qimyl bölımınıŋ basşysy Aldiiar Talasov.
Şaqyrylǧan spikerler ıs-şara qonaqtaryna öz oqiǧalary, täjıribelerı turaly aitty.
Qatysuşylar aldynda «Senım Bolaşaq» RQB elordalyq filialynyŋ direktory Şerhan Arapbai, «Janūia» otbasy institutyn qoldau ortalyǧynyŋ aqparattyq tehnologiialar bölımınıŋ basşysy Berık Nūrdäuletov, qalalyq äkeler keŋesınıŋ müşesı Jalǧas Qūspekov söz söiledı.
Qatysuşylar balalardy tärbieleu, äke boludyŋ maŋyzdylyǧy, mektepke deiıngı jäne mekteptegı bılım beru jäne t.b. turaly özderın qyzyqtyrǧan sūraqtaryn qoidy.
«Maǧan bügıngı ıs-şara öte ūnady. Köptegen paidaly närselerdı bıldım, basqa äkelermen tanystym. Balalardy tärbieleu boiynşa köptegen keŋester aldym, basqa ata-analardyŋ täjıribesı turaly bıldım. Menıŋ oiymşa, Äkeler künın toilau – būl keremet ideia, öitkenı äke – otbasynyŋ tıregı», – dep bölıstı üş balanyŋ äkesı Iýrii Novgorodov.
