Astanada «Baiqoŋyr» audanynyŋ «Atatürık» saiabaǧynda «Ūlttyq oiyn – ūlt qazynasy» atty tartysty saiys öttı, dep habarlaidy astana-akshamy.kz.
Köŋıldı doda «Äkeler künı» merekesı aiasynda «Baiqoŋyr» audanynyŋ äkelerı men balalarynyŋ qatysumen ūiymdastyryldy. Is-şaranyŋ basty maqsaty, qazaqtyŋ ūlttyq oiyndaryn oinai otyryp, otbasy institutyn nyǧaitu. Sondai-aq, janūiadaǧy äke rölınıŋ maŋyzdylyǧyn körsetu, otbasy qūndylyqtaryn därıpteu, äke men bala arasyndaǧy qarym-qatynasty nyǧaitu.
Otbasylyq jarysqa elordalyq äkeler men balalar qatysyp, qazaqtyŋ «Arqan tartu», «Bes tas», «Asyq atu», «Toǧyzqūmalaq», «Läŋgı tebu» syndy ūlttyq oiyndarynan özara baq synady.
Nätijesınde, köptıŋ ışınen oza şauyp, basty jüldenı Aidar Şonaev pen balasy Taŋatqan Nūrislam jeŋıp aldy. Jarys soŋynda jeŋımpazdardy äŋgımege tartqan edık:«Men Baiqoŋyr audanyndaǧy №4 mektep gimnaziiasynan keldım. Özım atalǧan mektepte dene şynyqtyru pänınıŋ mūǧalımımın. Al ūlym Taŋatqan Nūrislam osy bılım ordasynyŋ oquşysy. Bügın ekeumız mektebımımızdıŋ namysyn sättı qorǧap şyqtyq. Basqa qatysuşylar da oŋai şaǧylar jaŋǧaq bolǧan joq. Olar bızge myqty qarsylas boldy. Jarys öte tartysty öttı dep aita alamyn. Osyndai ūlttyq sportty damytuǧa, nasihattauǧa baǧyttalǧan saiystardyŋ köbırek ūiymdastyrylǧanyn qoldaimyn».
Aita keteiık, biyl aituly mereke mausym aiynyŋ on altynşy jūldyzyna tūspa-tūs keldı.
