QR Mädeniet jäne aqparat ministrlıgı Qorǧanys ministrlıgımen bırlesıp jurnalisterge, baspasöz qyzmetterıne, BAQ jäne qauymdastyqtar blogyna arnap äskeri jurnalistika jäne daǧdarystyq kommunikasiialar boiynşa seminar ūiymdastyrdy, dep habarlaidy astana-akshamy.kz.
Seminardyŋ spikerı retınde Qorǧanys ministrlıgı, IIM, TJM, QR Prezidentı janyndaǧy Ortalyq kommunikasiialar qyzmetınıŋ ökılderı söz söiledı.
Treningtıŋ 60 qatysuşysyna daǧdarys jaǧdaiyndaǧy jūmystyŋ erekşelıkterı tüsındırıldı. Tabiǧi jäne tehnogendık sipattaǧy TJ qaupı men onyŋ tuyndauy, äskeri janjal mäselelerı köterıldı.
Sondai-aq, tötenşe jaǧdailar men soǧys qimyldary aimaǧynda jūmys ıstegen kezde jurnalisterdıŋ qauıpsızdıgı men özın-özı ūstauy, terrorizmge qarsy aqparattyq ärekettegı BAQ-tyŋ rölı talqylandy.
«Mädeniet jäne aqparat ministrlıgı halyqtyŋ media sauattylyǧyn jäne jurnalisterdıŋ bılıktılıgın arttyru mäselelerıne erekşe nazar audarady. Universitettermen media sala mamandyqtarynyŋ bılım beru baǧdarlamalaryn jetıldıru boiynşa jūmys jürgızılude, ÜEŪ – men bırlesıp media jäne aqparattyq sauattylyq, jurnalisterdıŋ bılıktılıgın arttyru, oquşylardy media sauattylyq daǧdylaryna oqytu mäselelerı boiynşa ıs-şaralar jürgızılude. Vedomstvo ärqaşan yntymaqtastyq pen jaŋa bılım beru jobalary üşın aşyq ekenın atap ötemın. Bügıngı seminar aiasynda qatysuşylar tälımgerlerden qajettı bılım, paidaly täjıribe alǧanyna senımdımın», — dep atap öttı Mädeniet jäne aqparat vise-ministrı Qanat Ysqaqov.
Barlyq qatysuşyǧa sertifikattar tabystaldy.
