Niderland Premer-Ministrı Mark Riuttenıŋ Qazaqstanǧa jūmys sapary aiasynda Astanada Amsterdam alaŋynyŋ aşylu saltanaty öttı, dep habarlaidy astana-akshamy.kz
Būl – Mark Riuttenıŋ Qazaqstanǧa jasaǧan üşınşı jūmys sapary. Onyŋ Astanaǧa alǧaşqy sapary sonau 2010 bolǧan. Odan keiın Qazaqstanǧa 2015 jyly kelgen.
«Är kelgen saiyn körsetılgen ıltipat pen qonaqjailylyq üşın raqmet. Astanaǧa qaita kelgenıme öte quanyştymyn. Būl qala özınıŋ qainaǧan energiiasymen, qarqyndy damuymen jäne tamaşa adamdarymen menı är uaqytta taŋǧaldyrady. Bügın osy şaharda bolu men üşın ülken märtebe! Būl kün Qazaqstan men Niderland arasyndaǧy berık bailanysty aiqyndap tūr. Bızdıŋ yntymaqtastyǧymyz tek ükımettık ortada ǧana emes, sonymen qatar su resurstaryn basqaru salasynda da bırte-bırte jaqsaryp keledı. Bız ekı eldıŋ tūrǧyndary arasynda ıskerlık pen ūjymdyq jūmysty damytuǧa yqpal etetın dostyq qarym-qatynas ornatqanymyzǧa quanyştymyz. Osyndai dostardyŋ qatarynda bolǧanymdy maqtan tūtamyn. Osy erekşe kün üşın taǧy da alǧysymdy bıldırgım keledı», – dedı Mark Riutte alaŋnyŋ aşylu saltanatynda.
2015 jyldyŋ küzınde Niderlandtyŋ eŋ ırı qalalarynyŋ bırı Rotterdamda Astana alaŋy aşylǧan bolatyn. Premer-Ministrdıŋ orynbasary – Ükımet apparatynyŋ basşysy Ǧalymjan Qoişybaev atap ötkendei, bügıngı ıs-şara elder arasyndaǧy dostyq qarym-qatynastyŋ taǧy bır dälelı.
«Astanada Amsterdam alaŋynyŋ aşyluy – Niderlandtyŋ Qazaqstanmen yntymaqtastyǧyndaǧy maŋyzdy oqiǧa. Halyqtar arasyndaǧy berık bailanysty rastaityn jäne elder arasyndaǧy mädeni almasuǧa järdemdesetın oqiǧa. Bız yntymaqtastyqty joǧary baǧalaimyz. Sonymen qatar Niderlandtyŋ su tasqynyna qarsy küreste alǧaşqylardyŋ bırı bolyp kömek qolyn sozǧanyn atap ötkım keledı. Niderland – bızdıŋ ekonomikaǧa eŋ ırı investor. Jyldar ötken saiyn yntymaqtastyǧymyz nyǧaia tüsedı dep senemın», – dedı Ǧalymjan Qoişybaev.
