Bügın taŋerteŋ Astanadan şyǧatyn ekı jol jabylyp, qala maŋyna qatynaityn avtobustar jürmei qaldy, dep habarlaidy astana-akshamy.kz
Taŋǧy 6:00 kezınde qalalyq tötenşe jaǧdai departamentı «Astana-Ereimentau-Şıdertı» tasjolynyŋ 16-200 şaqyrym aralyǧy, Astanadan Pavlodar oblysy şekarasyna deiın jabylǧanyn habarlady.
Sonymen bırge «Astana-Petropavl» jolynyŋ 18-232 şaqyrym aralyǧynda da qozǧalysqa tyiym alynǧan. Ol — Astanadan Şuche qalasyna aparatyn jol. Oǧan sebep — küştı jel, boran, jolda 50 metrge deiın eşteŋe körınbeidı.
Osyǧan bailanysty City Transportation Systems kompaniiasy taŋǧy 07:00 bastap qala maŋyna qatynaityn № 305, 309, 312, 315, 316, 317, 327, 329 baǧdarlarynyŋ qozǧalysy uaqytşa toqtaitynyn mälımdedı. Qala maŋyna jüretın özge marşruttar liniiada.
Sondai-aq, bırınşı auysymnyŋ 0-4 synyp oquşylary üiden oqyp jatyr. Boran basylmasa tüsten keiıngı auysymda oqityn oquşylar üşın de sabaq onlain boluy mümkın.
Esterıŋızde bolsa, «Qazgidromet» RMK-sy aqpannyŋ 14-ı küngı kün raiy boljamyn jariialady. Käsıporynnyŋ derekterıne qaraǧanda, 14-şı aqpan künı atmosferalyq frontaldy bölıkterdıŋ ötuıne orai Qazaqstannyŋ basym bölıgınde jaŋbyr jäne qar jauyp, būrqasyndatady, köktaiǧaq bolady. Respublika boiynşa – jel küşeiıp, tūman bolady. Aqmola oblysynyŋ şyǧysynda sekundyna 30 metr jyldamdyqpen jel soǧady. Tötenşe jaǧdailar qyzmetı aua raiy qolaisyz kezderde mümkındıgınşe üide boludy, al köşege şyǧuǧa tura kelse aldyn ala jol jüru baǧdaryn josparlap aludy eskertedı.
