Bügın Astanada Ardagerler ūiymynyŋ plenumy öttı, dep habarlaidy astana-akshamy.kz.
«Ardagerler ūiymy» respublikalyq qoǧamdyq bırlestıgı Ortalyq keŋesınıŋ plenumy otyrysyna Mädeniet jäne aqparat ministrı Aida Balaeva, Eŋbek jäne halyqty äleumettık qorǧau ministrı Svetlana Jaqypova, Mäjılıs deputattary, qoǧam qairatkerlerı jäne ÜEŪ ökılderı qatysty.
Is-şara barysynda Ardagerler ūiymy Memleket basşysynyŋ «Adal adam – Adal eŋbek – Adal tabys» qaǧidatyn jüzege asyrudyŋ maŋyzyn talqylady.
Aida Balaeva plenumda ardagerlerdıŋ, iaǧni aǧa buynnyŋ ūlttyq bıregeilıktı nyǧaitu men eldıŋ qarqyndy damuyndaǧy rölın atap öttı. Keler jyly ekınşı düniejüzılık soǧystyŋ 80 jyldyǧyna orai, ministrlık ıs-şaralar josparyn äzırledı.
«Biyl ekınşı düniejüzılık soǧysqa qatysqan Qazaqstan ardagerlerı turaly mälımetterdı qamtityn barşaǧa qoljetımdı «Batyrlarǧa taǧzym» portaly ıske qosyldy. Bügınde portaldyŋ qyzmet aiasy keŋeiıp, barlyq qazaqstandyq ardagerler turaly derekterdı bırıktıretın aqparattyq interaktivtı jüie retınde jūmys ısteuın maqsat etıp otyrmyz. Sondai-aq soǧysqa qatysuşylarǧa arnalǧan qazaqstan-resei tarapynyŋ bırlesken foto-albomyn şyǧaru jūmystary jürgızılude», – dedı Mädeniet jäne aqparat ministrı Aida Balaeva.
Jiyn soŋynda Aida Balaeva köşe ataularyn beru, eskertkışter ornatu jäne taǧy da basqa özektı mäselelerde Ardagerler ūiymymen tyǧyz bailanysta bolyp, bırge jūmys ısteuge senım bıldırdı.
