Halyqaralyq äielder künı qarsaŋynda QR Prezidentı janyndaǧy Äielder ısterı jäne otbasylyq-demografiialyq saiasat jönındegı ūlttyq komissiia töraǧasy Aida Balaeva «Aru Ana» respublikalyq üzdık jobalar baiqauynyŋ jeŋımpazdarymen kezdestı, dep habarlaidy astana-akshamy.kz.
Baiqau 2023 jyldan bastap Ūlttyq komissiianyŋ qoldauymen üzdık ideialar men äleumettık jobalardy jüzege asyratyn äiel köşbasşylardy qoldau, bırıktıru jäne alǧa jeteleu maqsatynda ötkızılıp keledı.
Qazaqstannyŋ barlyq öŋırınen baiqauǧa 260 joba ūsynyldy. Olardyŋ 20-sy otbasy institutyn, äielderdıŋ ekonomikalyq mümkındıkterın qoldauǧa, balalar qūqyqtaryn qorǧauǧa, inkliuzivtı qoǧamdy, kreativtı industriialardy, IT, agrobiznestı jäne qaiyrymdylyqty damytuǧa baǧyttalǧan üzdık joba dep tanyldy.
Aida Balaeva Memleket basşysy atap ötken äieldıŋ qoǧam ömırındegı, bolaşaq ūrpaqty tärbieleudegı maŋyzdy rölın aita kele, baiqaudyŋ 14 jeŋımpazyna syilyqtar tabystady.
Ūlttyq komissiia töraǧasy būl jobalar Qazaqstannyŋ damuyna yqpal etetınıne senım bıldırdı.
Üzdık jobalardyŋ qatarynda äielder käsıpkerlıgı, inkliuzivtı qoǧamdy damytu, innovasiialar, kreativtı industriialar, otbasylyq tärbie, qaiyrymdylyq jobalary bar.
