Halyqaralyq Azamattyq Qorǧanys Ūiymy Bas Assambleiasynyŋ qararyna säikes, 1 nauryzda Düniejüzılık Azamattyq qorǧanys künı atap ötıledı. Būl künı Astanada qandai ıs-şaralar josparlanyp otyrǧany turaly qalalyq TJD Azamattyq qorǧanys basqarmasynyŋ bastyǧy Azamat Qūsaiynov Kommunikasiialar qyzmetınde ötken brifingte mälım ettı, dep habarlaidy astana-akshamy.kz.
Ol biyl «Azamattyq qorǧanys qyzmetındegı innovasiialyq tehnologiialar» ūranymen ötedı.
«Azamattyq qorǧanys soǧys kezınde halyqty qorǧaumen ǧana emes, sonymen bırge tabiǧi jäne tehnogendık apattar nätijesınde qarapaiym adamdar zardap şeguı mümkın azamattardy qūtqarumen jäne basqa da tötenşe jaǧdailardyŋ aldyn alumen ainalysady. Sondai-aq, osy oqiǧalardyŋ saldaryn boldyrmau jäne joiumen ǧana emes, sondai-aq osyndai jaǧdaida özın qalai ūstau kerektıgı turaly halyq arasynda tüsındıru jūmystaryn jürgızumen de ainalysady», – deidı Azamat Qūsaiynov.
Ol sözın jalǧai otyryp, Düniejüzılık Azamattyq qorǧanys künın daiyndau jäne ötkızu jönındegı ıs-şaralar jospary bekıtılgenın atap öttı. Onyŋ aiasynda tūtastai alǧanda el boiynşa azamattyq qorǧanys ailyǧy jariialandy jäne azamattyq qorǧanys turaly bılımdı nasihattauǧa jäne azamattyq qorǧau qyzmetterı oryndaityn maŋyzdy mındetterge qoǧam nazaryn audaruǧa baǧyttalǧan ıs-şaralar keşenı josparlandy.
«Öskeleŋ ūrpaqqa ülken köŋıl bölınedı. Oqu oryndarynda aşyq jäne interaktivtı sabaqtar, «Barşanyŋ nazaryna!» jedel-qūtqaru jasaqtarynyŋ, ört söndıru bölımderınıŋ bazasynda aşyq esık künderı ötkızıledı. «Üzdık bılım beru nysany», «üzdık qyzmet jäne azamattyq qorǧaudy qalyptastyru» jäne «azamattyq qorǧanystyŋ üzdık qorǧanys ǧimaraty» taqyryptarynda türlı konkurstar ötkızu boiynşa jūmys bastaldy.
«Elordanyŋ 90 bılım beru nysany oquşylarynyŋ arasynda 10 sporttyq estafeta, 15 oiyn jäne jattyǧu, 5 interaktivtı sabaq ūiymdastyryldy. Azamattyq qorǧanys boiynşa ügıt-nasihat jūmystary mektep parlamentterımen, atap aitqanda qala mektepterınıŋ prezidentterımen jäne TJ ministrlerımen bastaldy», – deidı ol.
Sonymen qatar ol Prezident Qasym-Jomart Toqaevtyŋ tapsyrmalaryn ıske asyru maqsatynda 23 aqpanda qala mektepterınıŋ aumaǧynda seismikalyq jattyǧular ötkızu josparlanǧanyn qozǧap öttı.
