Astana qalasynyŋ kommunikasiialar qyzmetınde qaladaǧy mektepke deiıngı bılım beru ūiymdarynyŋ qyzmetı turaly Astana qalasy Bılım basqarmasynyŋ basşysy Senǧazyev Qasymhan Senǧazyūlynyŋ qatysuymen brifing öttı, dep habarlaidy astana-akshamy.kz.
Bügıngı künı Astana qalasynda mektepke deiıngı bılım beru ūiymdarynyŋ jelısı 66 119 balany qamtityn 532 mekemenı qūraidy. Qazırgı uaqytta «INDIGO: elektrondyq balabaqşa» elektrondyq portalynda 47 274 bala kezekke tırkelgen. 2023 jyldan bastap ata-analarǧa qoldau körsetu maqsatynda 100 balabaqşada balany «İndigo» jüiesıne kezekke qoiu, balabaqşadan oryn alu syndy mäselelerge qatysty 100 konsultasiialyq punkt jūmys ısteude. Bügınge deiın Astana qalasy boiynşa 3 myŋǧa juyq ata-ana men balaǧa kömek körsetılgen.
Astana qalasynyŋ Bılım basqarmasy «Barşaǧa qoljetımdı sapaly bılım» Ūlttyq baiandama jobasy aiasynda bırqatar jūmystar atqaruda. Joba aiasynda 2024 jyly balalardy balabaqşamen barynşa qamtuǧa qol jetkızu üşın mektepke deiıngı bılım beru ūiymdaryna 10317 orynǧa memlekettık bılım beru tapsyrysyn ūlǧaitu josparlanǧan. Ötken jyly da 10317 orynǧa memlekettık tapsyrys berılgen eken.
Osy jyly mektepke deiıngı ūiymdar jelısın ūlǧaitu maqsatynda jaŋa tūrǧyn üi keşenderınıŋ bırınşı qabattarynda qadamdyq qoljetımdılık qaǧidaty boiynşa bırqatar jaŋa balabaqşalar aşylǧan. 2029 jylǧa deiın 60 balabaqşa salu josparlanuda. Bügıngı künı 10 balabaqşanyŋ jer telımderı belgılenıp, jobalau jūmystary bastalǧan. Būdan basqa, erekşe bılım berudı qajet etetın balalarǧa memlekettık qyzmet körsetu şeŋberın keŋeitu josparlanuda.
Balabaqşalarda zaŋsyz tırkelgen balalardy anyqtau maqsatynda tabeldeu prosesı sifrlandyrylǧan. Ötken jyldyŋ 1 jeltoqsanynan bastap INDIGO24 saitynda ata-ananyŋ jeke kabinetınde «Keluşıler tabelın verifikasiialau» modulı ıske qosylǧan. Būl ata-analarǧa balalarynyŋ balabaqşaǧa barǧan, barmaǧanyn aşyq körsetıp, tabeldeu boiynşa tolyǧymen aqparat aluǧa, baqylauǧa mümkındık berdı.
Byltyrǧy jyldyŋ qyrküiek aiynan bastap qalada äleumettık osal otbasylardan şyqqan 10 874 mektepke deiıngı bala tegın ystyq tamaqpen qamtamasyz etılgen. Bılım basqarmasy 2023 jyly tamaqtanudy baqylaudyŋ «Elektrondyq balabaqşa» pilottyq jobasyn engızgen.
