26 mausym Halyqaralyq esırtkı zattaryn terıs paidalanumen jäne olardyŋ zaŋsyz ainalymymen küres künı atalyp ötedı. Osy künge orai Astanada «Astana – esırtkısız qala!» esırtkıge qarsy auqymdy aksiiasy ötedı, dep habarlaidy astana-akshamy.kz.
«Astana – esırtkısız qala!» aksiiasy 22 mausymda «Han Şatyr» SOO-da saǧat 13:00-den 16:00-ge deiın, sondai-aq Esıl jaǧalauyndaǧy amfiteatrda saǧat 17:00-den 20:00-ge deiın ötedı. Oǧan qazaqstandyq estrada men sport jūldyzdary, sporttyq, vokaldyq jäne bi ūjymdary qatysady.
Is-şaranyŋ ūiymdastyruşylary Astana polisiia departamentınıŋ esırtkı qylmysyna qarsy ıs-qimyl basqarmasy bolyp sanalady.
Aksiiaǧa qatysuşylarǧa Kinologiialyq ortalyqtyŋ qyzmettık-ızdestıru itterımen kinologtardyŋ jūmysy körsetıledı.
Sondai-aq aksiianyŋ barlyq belsendı qatysuşylary üşın viktorinalar, sporttyq jarystar, syilyqtar ūiymdastyrylady.
Is-şara şeŋberınde elorda aumaǧynda naşaqorlyqqa qarsy ıs-qimylǧa qosqan ülesı üşın ÜEŪ ökılderı men erıktıler medaldarmen, gramotalarmen jäne alǧys hattarmen marapattalady.
Is-şara elorda äkımdıgınıŋ, psihikalyq densaulyq ortalyǧynyŋ, AİV-infeksiialarynyŋ aldyn alu ortalyǧynyŋ, «Renessans» oŋaltu ortalyǧynyŋ jäne basqa da ükımettık emes ūiymdardyŋ belsendı qatysuymen ötkızıledı.
