Astanada Dostyq üiınde etnosaralyq qaqtyǧys pen onyŋ aldyn alu şaralaryna arnalǧan otyrys öttı, dep habarlaidy astana-akshamy.kz.
Is-şaranyŋ maqsaty etnosaralyq şielenıske jol bermeu jäne qoǧamdaǧy kelısımdı saqtau boldy. Otyrysqa QR Parlamentı Senaty men Mäjılısınıŋ deputattary, QR Mädeniet jäne aqparat vise-ministrı Aizada Qūrmanova, Etnosaralyq qatynastardy damytu komitetınıŋ töraǧasy Ǧalym Şoikin, Bas prokuratura, Işkı ıster, Oqu-aǧartu, Ǧylym jäne joǧary bılım, Eŋbek jäne halyqty äleumettık qorǧau ministrlıkterınıŋ ökılderı, sondai-aq QHA jäne etnomädeni bırlestıkterdıŋ müşelerı qatysty.
QR Mädeniet jäne aqparat vise-ministrı Qazaqstandaǧy etnosaralyq kelısımdı nyǧaitu jönındegı ortalyq jäne jergılıktı bilık organdary jūmysynyŋ negızgı baǧyttary turaly aityp berdı. Ǧalym Şoikin äleumettık jelıler men BAQ monitoringı boiynşa da oqiǧalar men janjaldardyŋ aldyn alu boiynşa atqarylǧan jūmystar turaly esep berdı. Otyrys barysynda qatysuşylar ūlttyq bırlıktı nyǧaituǧa jäne azamattyq qūndylyqtardy damytuǧa qatysty pıkırler, täjıribeler jäne jaŋa täsıldermen almasty. Otyrys qorytyndysy boiynşa, konstruktivtı dialog jürgızılıp, eldegı etnosaralyq kelısımdı odan ärı damytu boiynşa bırqatar ūsynystar qabyldandy.
