Astana qalasynda körkem gimnastika jarysy saltanatty türde aşyldy, dep habarlaidy astana-akshamy.kz.
Elordanyŋ «Duman» sport keşenınde körkem gimnastikadan kezektı qalalyq aşyq chempionatyn Astana qalasynyŋ körkem gimnastika federasiiasynyŋ prezidentı Sairanbek Erbatyrūly Äbılqaiyr aşty.
Jarystyŋ bırınşı künınde gimnastşylar jeke jäne toptyq bäsekede şeberlıkterın ortaǧa saldy.
Sondai-aq el namysyn şeteldık arenada qorǧap jürgen bırqatar jerlesımız sporttyq däreje ataǧymen marapattaldy.
Chempionatta jas jäne sport därejesıne bailanysty tömendegıdei jüldeler sarapqa salynyp jatyr:
– Sport şeberı (2008 jylǧylar jäne odan ülkender) qyzdar;
– Sport şeberıne ümıtker (2009-2011 jylǧy) qyzdar;
– 1 sporttyq razriad (2012-2014 jylǧy) qyzdar;
– 2-3 sporttyq razriad (2015 jäne odan kışı) qyzdar.
Aita ketsek, 26-28 aqpan künderı saiys halyqaralyq gimnastika federasiiasynyŋ körkem gimnastikadan 2023-2024 j qoldanystaǧy erejelerıne säikes ötude.
