Qalalyq mäslihat deputattary men «Jasyl el» jastary tazalyq aksiiasyn ötkızdı
«Taza Qazaqstan. Astana – tazalyq pen tärtıptıŋ ülgısı» ekologiialyq aksiiasy aiasynda qalalyq mäslihat deputattary men «Jasyl el» jastar eŋbek jasaqtary Prezident saiabaǧynda tazalyq jūmysyn jürgızdı, dep habarlady astana-akshamy.kz.
Astana qalasynyŋ Jastar saiasaty mäselelerı basqarmasy bastamasymen ötken ekojiynǧa «Jasyl el» jauyngerlerı qatysty. Olar mäslihat deputattarymen bırge jasyl jelekterdı suardy.
«Bügıngı ıs-şara «Taza Qazaqstan: Astana – tazalyq pen tärtıptıŋ ülgısı» ekologiialyq aksiiasy aiasynda ötıp jatyr. Ekoaksiiany qalalyq mäslihat deputattary men «Jasyl el» HH mausymynyŋ jauyngerı qoldap otyr. Jalpy būl är mausym saiyn atqarylyp kele jatqan jūmys dep aituǧa bolady. «Jasyl el» jobasy aiasynda elordada biyl 14-35 jas aralyǧyndaǧy 4200-den astam jas jūmyspen qamtylyp otyr», – deidı Jastar saiasaty mäselelerı basqarmasynyŋ basşysy Samat İbraev.
Elordalyq 8-synyp oquşysy Dariia Syzdyqovanyŋ sözınşe, joba jazǧy demalysty paidaly ötkızuge mümkındık beredı.
«Men №68 mektep gimnaziiasynda oqimyn. «Jasyl el» jobasyna alǧaş ret qatysyp tūrmyn. Bız künıne 4 saǧat abattandyru jäne tazalyq jūmysyn jürgızemız. Jazǧy demalysty tiımdı ötkızıp jatyrmyz dep oilaimyn. Kelesı jyly da eŋbek jasaǧy qatarynda bolu oida bar», – deidı elordalyq oquşy.
Aita keteiık, elordada «Jasyl el» jobasy tamyz aiynyŋ soŋyna deiın jalǧasady.
