Astanadaǧy Dostyq üiınde mügedektıgı bar azamattardyŋ qūqyqtaryn qorǧauǧa bailanysty döŋgelek üstel öttı, dep habarlaidy astana-akshamy.kz
Is-şaraǧa Astana qalasy boiynşa Adam qūqyqtary jönındegı uäkıldıŋ ökılı Baian Jalmaǧanbetova, Mäjılıs deputaty Nūrlan Äuesbaev, Astana qalasy Bılım basqarmasy basşysynyŋ orynbasary Serık Ädılbaev, Astana qalasy Jūmyspen qamtu jäne äleumettık qorǧau basqarmasy basşysynyŋ orynbasary Erkebūlan Mälık, qalalyq Qoǧamdyq baqylau komissiiasynyŋ töraǧasy Marat Satarqūlov jäne basqa da sala mamandary qatysty.
«2023 jyly mügedekterdıŋ qūqyqtaryn būzu turaly 15 ötınış qaraldy. Onyŋ ışınde medisinalyq qyzmet körsetudıŋ sapasyna qatysty 9 ötınış, mügedek balany arnaiy mektep-internatqa qabyldau turaly 1 ötınış, tūrǧyn üi alu problemalaryna qatysty 3 ötınış tüsken. Biyl elordada qaŋtar aiynda 49 ötınış kelıp tüstı. Onyŋ ışınde invatiaksi, mügedek jandardyŋ tūrǧyn üi ala almauy, atauly äleumettık kömekke jäne t.b. qatysty şaǧymdar bar», – dedı Baian Jalmaǧanbetova.
Otyrys barysynda jūmyspen qamtu jäne äleumettık qorǧau basqarmasy basşysynyŋ orynbasary Erkebūlan Mälık bügıngı taŋda Astanada 34 myŋnan astam mügedektıgı bar adam tūratynyn atap öttı.
Sondai-aq «Parlamentte ekınşı sessiia jūmysynyŋ basynan bastap «İnkliuzivtı Parlament» deputattyq toby qūrylǧan. Onyŋ basşysy – Mäjılıs deputaty Erlan Äbdiev.
«Memleket mügedekterdıŋ qūqyqtary turaly konvensiiany normalaryn ıske asyru boiynşa ülken jüielı jūmys jürgızude. Parlament jyl saiyn deputattardyŋ qatysuymen mügedektıgı bar adamdardyŋ ömır süru sapasyn jaqsartuǧa baǧyttalǧan zaŋdar qabyldauda. İnkliuziia sapasyn baqylau jäne jalpy mügedek adamdardyŋ ömır süru sapasyn jaqsartu maqsatynda «İnkliuzivtı parlament» deputattyq toby qūryldy. Būl – el Parlamentı tarihyndaǧy bırınşı jaǧdai», – dedı Mäjılıs deputaty Nūrlan Satybaldyūly.
Bügıngı taŋda inkliuziia boiynşa mäseleler qoldanystaǧy zaŋnama aiasynda şeşıledı.
