Astanada mūqtaj jandarǧa 1000-nan astam azyq-tülık sebetı taratyldy
![](https://astana-akshamy.kz/wp-content/uploads/2024/06/d87dae12-0632-45c9-8ae5-a5b9893b1363-780x470.jpg)
Qūrban ait meiramyna orai Astanada dästür boiynşa kömekke mūqtaj jandarǧa azyq-tülık sebetterı tapsyrylyp jatyr, dep habarlaidy astana-akshamy.kz.
Būl auqymdy ıs-şarany qala äkımdıgı men demeuşı bolǧan Qazaq Oil kompaniiasy «İgı ıster marafony» aiasynda ötkızıp jatyr.
«Bügın myŋǧa juyq sebet äleumettık jaǧynan osal otbasylarǧa taratylyp jatyr. Olar – köpbalaly otbasylar, jalǧyzbasty analar, zeinetkerler, mügedektıgı bar azamattar, erekşe bala tärbielep otyrǧan otbasylar. Qoraptyŋ salmaǧy – 45 kelı. Azyq-tülık sebetınde kündelıktı tūrmysqa qajettı tauarlar bar. Atap aitsaq, künbaǧys maiy, qant, ūn, süt jäne t.b. Osyndai qaiyrymdylyq ıs-şarasyna atsalysqany üşın «Qazaq Oil» kompanisyna alǧysymyzdy bıldıremız. Sonymen qosa, özge de biznes ökılderın igı ıske qatysuǧa şaqyramyz», – dedı Astana qalasy äkımınıŋ keŋesşısı Quanyş Moldabek.
Al «Astana jastary» jastar resurstyq ortalyǧynyŋ erıktılerı azyq-tülık sebetterın mūqtaj jandardyŋ üilerıne deiın jetkızıp beredı.
Sebetterdıŋ bırı astanalyq köpbalaly ana Janagül Qarasaevaǧa tabystaldy. Ol osyndai kömek körsetkenı üşın ūiymdastyruşylarǧa şeksız alǧysyn bıldırdı.
«Alǧysymdy bıldırgım keledı. Merekelık köŋıl-küi syilaǧandaryŋyzǧa raqmet. Barşa qazaqstandyqtardy Qūrban Ait merekesımen qūttyqtaimyn! Denderıŋızge saulyq, bastaryŋyzǧa amandyq tıleimın!» – dedı köpbalaly ana.
Mūndai aksiia Astanada jyl soŋyna deiın ūiymdastyrylady.