Biyl aqpannyŋ 23-25-ı Astanada Central Asia FIRST Championship resmi chempionaty ötedı, dep habarlaidy astana-akshamy.kz. Oǧan älemnıŋ 10 elınen 3000-nan astam oquşy qatysady. Qatysuşylar arasynda köptegen memleketterden komandalar, onyŋ ışınde Gonkong, BAÄ, Türkiiadan keletın oquşylar bar. Qazaqstandy ırıkteu chempionattary barysynda kvota alǧan 200 komanda tanystyrady.
«Mūndai kölemdegı robototehnika boiynşa chempionat Qazaqstanda alǧaş ret ötedı. Ötken jyly chempionatqa 1200-ge juyq oquşy qatysty, biyl qatysuşylar sany 2,5 ese köp. Bız balalarymyz bäsekelestıktı sezınuı üşın halyqaralyq myqty komandalardy şaqyrdyq», – dep bölıstı USTEM Foundation qorynyŋ negızın qalauşy Nūrdäulet Dosmaǧambet.
Mektep oquşylary üş negızgı jas sanaty boiynşa baq synaidy: FLL Explore (6-10 jas), FLL Challenge (10-16 jas) jäne FIRST Tech Challenge (12-18 jas). Chempionatta Robottar oiynynan basqa innovasiialyq jobalar baiqauy men töreşıler sessiialary qamtylady.
Central Asia FIRST Championship jeŋımpazdarynyŋ halyqaralyq jarystarǧa qatysuǧa lisenziialar, baǧaly syilyqtar jäne qazaqstandyq ärı şeteldık joǧary oqu oryndaryna granttar aluǧa mümkındıkterı bolady.
