«Taza Qazaqstan. Astana – tazalyq pen tärtıptıŋ ülgısı» auqymdy ekologiialyq aksiiasy aiasynda elordada «Sättı särsenbı» ıs-şarasy öttı, dep habarlaidy astana-akshamy.kz.
Ekoaksiia «Jeleznodorojnyi» tūrǧyn alabynda ornalasqan qar poligonynyŋ aumaǧynda öttı. Tazalauǧa «Jasyl el» jastar eŋbek jasaǧynyŋ 100 qatysuşysy jūmyldyryldy.
«Aksiiaǧa köbıne jasöspırımder qatysatyndyqtan, qar poligonynyŋ aumaǧy oryn retınde taŋdaldy. Ol qauıpsızdıgımen, jürıs bölıgınıŋ jäne özender men kölder siiaqty yqtimal qauıptı tabiǧi nysandardyŋ bolmauymen, sondai-aq kırme joldardyŋ boluymen erekşelenedı», – dep tüsındırdı Almaty audany äkımınıŋ orynbasary Nūrmat Äbdıraiymov.
«Sättı särsenbı» aksiiasy qalanyŋ ekologiialyq jaǧdaiyn jaqsartu jäne tazalyqty saqtau maqsatynda ötkızıledı.
«Bız qoqysty jinap, qalany taza etu üşın Almaty audanyna bardyq. Mūndai ıs-şaralar bızdıŋ ortaq mäselelerımızdı bırge şeşe otyryp, halyqty bırıktıruge kömektesedı», – dedı «Jasyl el» jauyngerı Qairat Uälihan.
Is-şara Almaty audany äkımdıgınıŋ, Astana qalasy Jastar saiasaty mäselelerı basqarmasynyŋ, «Jasyl el» jastar eŋbek jasaǧynyŋ qoldauymen ūiymdastyryldy.
Ūiymdastyruşylar qalany tazartu boiynşa aksiialar apta saiyn ötkızıletının atap öttı.
Aita keteiık, biyl «Jasyl el» eŋbek jasaqtarynyŋ HH eŋbek mausymy bastaldy. Joba aiasynda elorda boiynşa 14 pen 35 jas aralyǧyndaǧy 4200-den astam jastar jūmyspen qamtylatyn bolady. Olar qalanyŋ nysandaryn, sonyŋ ışınde «Jasyl beldeu» aumaǧynda, äleumettık nysandardy, jalpy bılım beru mekemelerınıŋ aumaǧynda, qalalyq saiabaqtarda, kögaldandyruǧa qatysady.
