Astanada Jastar saiasaty mäselelerı basqarmasynyŋ qoldauymen «Taza Qazaqstan. Astana – tazalyq pen tärtıptıŋ ülgısı» auqymdy ekoaksiiasy aiasynda «Taza beisenbı» ıs-şarasy öttı. Is-şaraǧa qatysqan «Jasyl el» jastar eŋbek jasaqtary müşelerı Baiqoŋyr audanyna qarasty «Öndırıs» tūrǧyn alabynyŋ aumaǧyn kül-qoqystan tazartyp, ainalany abattandyruǧa atsalysty, dep habarlaidy astana-akshamy.kz.
«Respublikalyq studenttık qūrylys jäne jastar jasaqtary qozǧalysy» qoǧamdyq qorynyŋ jetekşısı Marat Mūhamedjanūlynyŋ aituynşa, tazalyq aksiiasyna 100-den astam adam qatysty.
«Jasyl el» baǧdarlamasyn ıske asyru memlekettık jastar saiasatynyŋ negızgı basym baǧyttarynyŋ bırı. Ol jastardyŋ küşımen elımızdı kögaldandyru, abattandyru arqyly student jastardy eŋbekpen qamtamasyz etu, jastar arasynda ekologiialyq tärbienı nasihattau jäne dostyq qarym-qatynasty nyǧaitu, jastardyŋ tabiǧatqa qamqorlyqpen qarap, özınıŋ jerıne, elıne degen süiıspenşılıgın qalyptastyru maqsatynda ūiymdastyrylyp jür. Bügıngı ıs-şara barysynda Öndırıs tūrǧyn alabynyŋ ainalasyn tazartu jūmystary jürgızıldı. Elorda tūrǧyndary, öskeleŋ ūrpaq tabiǧi önım tūtynyp, taza auamen demalyp, sapaly su ışkenın qalasaq, ekologiialyq sana men mädeniettı qalyptastyruymyz kerek. Ony ärkım özınen bastaǧany jön», – dedı Marat Mūhamedjanūly.
Bas qalanyŋ ekologiialyq jaǧdaiyn jaqsartu jäne tazalyqty saqtau maqsatynda är apta saiyn ötkızıletın «Taza beisenbı» aksiiasy aiasynda elordalyq jüzden astam jastar aumaqtyŋ jan-jaǧyn retke keltırdı.
Astanadaǧy Jastar saiasaty mäselelerı basqarmasynyŋ bas mamany Erlan Nūrlanūly «Jasyl el» sarbazdarynyŋ qatysuymen bolǧan tazalyq aksiiasy mädeniet pen azamattardyŋ qorşaǧan ortaǧa degen sanaly közqarasyn qalyptastyrudy közdeitının atap öttı.
«Jasyl El» eŋbek jasaqtary boiynşa 4200-den astam 14 pen 35 jas aralyǧyndaǧy jas jūmyspen qamtamasyz etıledı. Bügın bız «Jasyl el» sarbazdarymen bırlesıp «Astana – tazalyq pen tärtıptıŋ ülgısı» atty ekologiia aksiiasy aiasynda qala maŋyndaǧy «Öndırıs» tūrǧyn alabynyŋ ainalysyn retke keltırdık. Jastar elordany kögaldandyru jūmystaryna belsene aralasyp, alaŋdarda, saiabaqtarda abattandyru, tazalyq jūmystaryn jürgızdı. 2005 jyly qūrylǧan köşbasşy ūiym belsendı jastardy bırıktırıp, olardy eŋbekke baulu, patrotizmdı qalyptastyruǧa üles qosuda. Jalpy, «Jasyl el» jobasy 14 pen 35 aralyǧyndaǧy jastar men studentterdı jūmysqa qabyldauda. Äleumettık joba 20 jyldan berı jastarǧa qoldau körsetıp keledı. Biyl köpbalaly äleumettık az qamtylǧan otbasylardyŋ balalaryn jūmyspen qamtu közdelıp otyr. Olarǧa arnaiy kiım jäne bır ailyq mölşerdegı eŋbekaqy tölenedı. Qatysuşylar jas erekşelıkterıne qarai toptarǧa bölınedı. Mäselen, 14 jasqa tolǧan oquşylar öz mektepterınıŋ maŋynda jūmys ısteidı. Odan bölek saiabaqtar men aǧaştarǧa kütım jasap, aramşöpterın tazalaidy, qorşaǧan ortanyŋ körkeiuıne osylaişa öz ülesterın qosady. 14 pen 16 jas aralyǧyndaǧylar jas erekşelıkterıne qarai aptasyna 5 kün, 4 saǧattan kem emes jūmyspen qamtylady», – dedı bas maman.
«Taza beisenbı» aksiiasy är apta saiyn ūiymdastyrylyp keledı. Ol tek qoqys jinaumen şektelmeidı, būl aksiia jaŋa ekologiialyq oilaudy, halyqtyŋ ekologiialyq mädenietı men mınez-qūlqyn qūrudy, jaŋa ekologiialyq ädetterdıŋ paida boluyn bastauǧa mümkındık beredı.
