Bügın QR Ūlttyq akademiialyq kıtaphanasynda aqyn, Qazaqstannyŋ eŋbek sıŋırgen qairatkerı Arman Qanidıŋ tuǧan künıne orai «Tolqyn-tolqyn jyr tuar bızden keiın» respublikalyq baiqauynyŋ jeŋımpazdary men jüldegerlerın marapattau räsımı öttı, dep habarlaidy astana-akshamy.kz.
Bügın belgılı aqyn közı tırı bolsa 70 jasqa tolar edı. Müşäiraǧa elımızdıŋ är öŋırınen 40 jasqa deiıngı 30 aqyn qatysty. Qazylar qorytyndysy boiynşa, bas jüldenı Alpysbai Honj ielense, bırınşı oryndy Jūldyzai Ysqaq, ekınşı oryndy Aibek Oralhan, üşınşı oryndy Oljas Qasym enşıledı. Sondai-aq Amanjol Şämkenov atyndaǧy arnaiy jülde Bırjan Ahmerge, Mūzafar Älımbaev atyndaǧy syilyq Aidana Segızbaevaǧa berıldı. Konkurstyŋ jalpy jülde qory – 1 600 000 teŋge. Is-şara barysynda aqyn Arman Qanidıŋ ömırı men şyǧarmaşylyǧyna arnalǧan kıtaptar men jädıgerler körmesı ūiymdastyrylyp, «Taŋdamaly» şyǧarmalar jinaǧy tanystyryldy. Kıtaptar QR Ūlttyq akademiialyq kıtaphanasynyŋ qoryna tabystaldy.
