Astanada 2024 jyldyŋ basynan bastap 2 830 jas jūmysqa ornalasu boiynşa kömek sūrady. Olarǧa qandai kömek körsetılıp jatqany turaly Kommnikasiialar qyzmetınde ötken brifingte elordalyq eŋbek mobildılıgı ortalyǧynyŋ direktory Oljas Omar aityp berdı, dep habarlaidy astana-akshamy.kz.
Ötınış bıldırgen 2 830 adamnyŋ 1194-ı jūmyspen qamtyldy, onyŋ 785-ı jūmysqa ornalastyryldy, al onyŋ 112-sı tūraqty jūmys oryndaryna ornalastyryldy.
«Subsidiialanatyn jūmys oryndaryna 673 jas jıberıldı, onyŋ 114-ı «Jastar praktikasy» baǧdarlamasy aiasynda memleketten qoldau aldy, 23-ı «Alǧaşqy jūmys orny», 60 adam äleumettık jūmys oryndaryna, 476 adam qoǧamdyq jūmystarǧa jıberıldı», – dedı Oljas Omar.
Ortalyqta jastarǧa arnalǧan üş negızgı baǧdarlama jüzege asyrylady: Alǧaşqy jūmys orny, Jastar praktikasy jäne Ūrpaqtar kelısımşarty.
«Alǧaşqy jūmys orny» jobasy 35 jasqa deiıngı jastarǧa mamandyǧy boiynşa jūmys täjıribesı joq, bırınşı ret jūmys ızdep jürgen jäne qajettı eŋbek daǧdylary bar jūmyssyzdarǧa bos oryn beruge baǧyttalǧan.
Kepıldendırılgen jalaqy – 30 AEK (110 760 teŋge), ūzaqtyǧy – 18 aidan aspaidy. Jūmys kezeŋı eŋbek ötılıne esepteledı, al baǧdarlama aiaqtalǧannan keiın ştatqa jūmysqa ornalasuǧa bolady.
«Jastar praktikasy» öz mamandyǧy boiynşa bastapqy jūmys täjıribesın alu üşın kolledjder men JOO tülekterıne arnalǧan. Osy sanat boiynşa jūmysqa ornalasuǧa qoiylatyn talaptar:
-oqudy aiaqtaǧannan keiın 5 jyl ışınde (JOO nemese kolledj);
– mamandyq boiynşa jūmys täjıribesınıŋ bolmauy;
– jasy 35-ten aspaidy;
Baǧdarlama boiynşa kepıldendırılgen jalaqy – 30 AEK (110 760 teŋge), praktika kezeŋı eŋbek ötılıne esepteledı, ūzaqtyǧy 12 aidan aspaidy. Aiaqtaǧannan keiın ştatqa jūmysqa ornalasu mümkındıgı qarastyrylady.
Oqu oryndarynyŋ tülekterı «Ūrpaqtar kelısımşarty» baǧdarlamasy arqyly jūmysqa ornalasa alady, sodan keiın zeinetkerlık jasqa tolǧan jūmyskerdı auystyra alady.
Qatysuşylarǧa qoiylatyn talaptar jäne baǧdarlama şarttary: – jasy 35-ten aspauy qajet;
– oquyn aiaqtaǧannan keiın 3 jyl ışınde (JOO nemese kolledj);
– kepıldendırılgen jalaqy – 30 AEK (110 760 teŋge);
– praktika kezeŋı eŋbek ötılıne esepteledı;
– aiaqtaǧannan keiın ştatqa jūmysqa ornalasu jürgızıledı;
– ūzaqtyǧy 6 aidan aspaidy.
«Sondai-aq, käsıpkerlık belsendılıktı arttyruǧa baǧyttalǧan ıs-şaralar aiasynda elektrondyq eŋbek birjasy boiynşa 158 jas jäne «Bastau Biznes» boiynşa käsıpkerlık negızderı boiynşa 220 jas onlain oqytudan öttı. 2023 jyldan bastap jastarǧa jeŋıldıkpen kredit beru baǧdarlamasy ıske asyryluda. Mikrokredit beru 21 jastan 35 jasqa deiıngı jas käsıpkerlerdı qoldauǧa baǧyttalǧan. Baǧdarlamaǧa jūmys ısteitın jastardyŋ ökılderı qatysa alady. Qaryz somasy: 5 million teŋgege deiın, syiaqy mölşerlemesı: jyldyq 2,5%. Qaryz merzımı 5 jylǧa deiın (mal şaruaşylyǧyn damytu üşın – 7 jylǧa deiın). Ötınım bergen sätte JK retınde tırkelu merzımı 5 jyldan aspauy tiıs», – dedı spiker.
Nesieleudıŋ mındettı şarty – kepılmen qamtamasyz etudıŋ boluy. Kepıl retınde jyljymaly (mamandandyrylǧan tehnika) jäne jyljymaityn mülık qabyldanady. Mūndai bolmaǧan jaǧdaida kepıl beruşını (ata-analaryn, tuystaryn jäne t.b.) jūmyldyruǧa bolady.
Qajettı qūjattar tızımı:
– jeke basyn kuälandyratyn qūjat;
– joba boiynşa biznes-jospar;
– şottyŋ boluy turaly qyzmet körsetetın bankten anyqtamalar;
– qarjy ūiymdarynan kredittık bereşektıŋ, onyŋ ışınde merzımı ötken bereşektıŋ boluy turaly anyqtamalar (kreditter bolǧan kezde);
– qatysuşynyŋ/ümıtkerdıŋ jalaqysyn jäne (nemese) özge de tabystaryn rastaityn qūjat (jinaqtauşy zeinetaqy qorynan üzındı köşırme) bolǧan jaǧdaida;
– kepıldı qamtamasyz etu retınde berıletın mülıktı baǧalau turaly esep;
– kepıl beruşı jäne kepılmen qamtamasyz etu jönındegı qūjattar.
Qūjattardy qabyldaudy «Agrarlyq nesie korporasiiasy» AQ Astana qalasy, Tūran daŋǧyly, 19/2 mekenjaiy boiynşa jüzege asyrady.
Foto: prostoinvesticii.com
