«Qazaqkonsert» ärtısı Germaniiada ötken bedeldı horeografiialyq baiqaudyŋ altyn medalıne ie boldy, dep habarlaidy astana-akshamy.kz.
Roza Baǧlanova atyndaǧy «Qazaqkonsert» memlekettık akademiialyq konserttık ūiymy «Gülder» ansamblınıŋ ärtısı Aqqanat Smaǧūlova 2024 jyldyŋ 20 aqpanynda Germaniiada ötken «TANZOLYMP» bedeldı halyqaralyq horeografiialyq baiqauynda altyn medalmen marapattaldy. ⠀
Öner dodasynda Aqqanat Anvara Sadyqova qoiǧan «Aqqu» jäne Almat Şamşiev qoiǧan «Erke bala» atty ekı bi nömırın ūsyndy. ⠀
800-den astam önerpaz baq synaǧan baiqauda 34 qatysuşy ırıkteuden ötıp, Gala-konsertte öner körsettı. Aita ketu kerek, Aqqanat – Gala-konsertte «Halyq biı» nominasiiasy boiynşa öner körsetuge mümkındık alǧan jalǧyz önerpaz. ⠀
«TANZOLYMP» festival-baiqauy jyl saiyn ötkızıletın bedeldı horeografiialyq baiqaulardyŋ bırı. Baiqau baǧdarlamasyn mädeniet jäne öner qairatkerlerı men käsıbi bi oqytuşylary baǧalaidy. ⠀
