«Densaulyq – basty bailyq» dep dana halqymyz beker aitpaǧan. Sol densaulyq älsıregen kezde adam janynyŋ araşasy bolar abzal jandarǧa ümıt artamyz.
Biylǧy jyldyŋ mausym aiynda jürek soǧysynyŋ būzylu dertımen Astana qalasyndaǧy №2 köpbeiındı auruhananyŋ interventtık kardiologiia bölımşesınde emdeldım. Adamdy dertten aiyqtyratyn därıgerdıŋ şeberlıgı, jaqsy közqarasy men jyly sözı desem artyq aitqandyq emes. Sondai jannyŋ bırı, bölımşe meŋgeruşısı, aritmolog därıger – Talǧat Qūdaibergenūly Esenov. Jan-jaqty tekseruden keiın maǧan «Boston» kardiostimuliatoryn qoiuǧa şeşım qabyldady. Ärine, qai därıgerdıŋ bolsa da jūmysy jeŋıl emes ekenın tüsınemın. Sonyŋ ışınde kardiologtardyŋ eŋbegı erekşe qūrmetke laiyq jandar dep aita alamyn. Adam aǧzasynyŋ eŋ qūdırettısı – jürek. Oǧan ota jasap jūmysyn retteu oŋai şarua emes. Sol qiyndyqty jeŋıp adamǧa ömır syilap, qanşa qiyndyqtyŋ ortasynda jürse de, qasyŋa kelıp, jaǧdaiyŋdy bılıp, keŋesın aityp, jyly sözımen janyŋdy emdeitın därıgerdıŋ bıregeiı Talǧat Qūdaibergenūly ekenıne közım jettı. Bolaşaqta qazaq medisina ǧylymyn damytuǧa zor ülesın qosatyn bılımdı de, bılıktı mamandardyŋ bırı bolatynyna senımdımın. Elordany bas basylymy arqyly Talǧat Qūdaibergenūlyna alǧys aitu paryzym dep bılemın. Eŋbegı janyp, qazaq halqynyŋ «Bızdıŋ süiıktı därıger» degen alǧysyna bölenıp, biık märtebege jetuıne şyn jürekten tılektespın.
Roza ABENOVA, zeinetker-ūstaz, Qostanai oblysy, Nauryzym audany
