Astanalyq sportşylar atqa otyru chellendjın joldady

Küzde elımızde alǧaş ret 100-den asa memlekettıŋ qatysuymen düniejüzılık köşpendıler oiyny aiasynda ötken chellendjge 150-ge tarta sport salasynyŋ qyzmetkerlerı men qatar elımızge tanymal bırqatar sportşylar da boi körsettı. Atap aitar bolsaq Vasilii Levit, Aqmaral Nauatbek, Edıge Emberdı, Temırlan Mūqataev, Nūrbek Talbudin jäne Emma Tisina syndy sportşylar.

«Atqa mınu — qazaqta būrynnan kele jatqan dästür. Osyndai şaranyŋ bır müşesı bolǧanyna öte quanyştymyn. Qarap otyrsam, tūlparǧa mınbegenıme 6 jyldai uaqyt bolypty. Men üşın uaqyt paidaly ärı qyzyqty öttı.

Qazırgı taŋda jarty jyldan berı resmi jarysqa qatyspadym. Kışıgırım jaraqattarymdy emdep, oqu-jattyǧu jiyndaryna qatysyp jürmın. Küzdegı jastar arasynda ötetın Niu-Iorkte Älem chempionatyna men qaraşada Qazaqstan chempionatynda baq synaimyn» — dedı, auyr atletikadan jasöspırımder arasynda 2 dürkın Älem chempiony Edıge Emberdı.

Respublikamyzda bırınşı ret ūiymdastyrylyp jatqan şarada astanalyqtar özge öŋırlerge de osyndai chellendjdı joldady.

«Bızdıŋ ūlttyq mūramyz, atqa mınu mädenietı. Bügınde jastar arasynda atqa mınudı keŋınen nasihattap, ūlttyq dästürdı damytuǧa erekşe nazar audarǧanymyz artyq emes.

Qazırgı jas ūrpaqqa jylqy tülıgı turaly tanym-tüsınıgın baiytu olarǧa nasihattau üşın Astana qalasynyŋ sport basqarmasy osy bır keremet chellendjın bastap otyr. Bız Astana qalasynyŋ sportşylary men sport salasynyŋ qyzmetkerlerı aituly «Atqa mınu dästürı» chellendjın elımızdıŋ barlyq oblystary men Almaty, Şymkent qalalaryna joldaimyz» – deidı Astana qalasy äkımdıgınıŋ «№9 Balalar men jasöspırımder sport mektebı» KMM basşysy Aidyn Toqbaev.

Ūiymdastyruşylardyŋ aituynşa būl bır rettık qana şara emes. Endı är saiyn tūraqty türde ötetın bolady.

Şara barysynda qatysuşylar tek qana atqa otyrumen şektelmei, arqan tartystan da synǧa tüstı. Nätijesınde «Tolqyn» sport keşenınıŋ qyzmetkerlerı özgelerden myqty ekendıgın körsettı.

Jiyn soŋynda arnaiy furşet ūiymdastyrylyp, barlyq jinalǧan jandar jaqsy köŋıl-küimen üilerıne tarqasty.