Elordada jūmyssyz qala tūrǧyndarynyŋ jūmys tauyp, qarjylyq jaǧdaiyn jaqsartuǧa mümkındık beretın «JOLTAP» jobasy jalǧasyp jatyr, dep habarlaidy astana-akshamy.kz.
Bügınde joba aiasynda 2 myŋnan astam elordalyq türlı mamandyq boiynşa oqytu kurstarynan ötken. Al oqytu baǧdarlamalary eŋbek naryǧynyŋ sūranystaryna süiene otyryp jasalǧan. Mäselen, bügıngı zamanaui mamandyq mobilografiiany da joba arqyly tegın oquǧa bolady.
Būl mamandyqty meŋgerıp alǧan jandar smartfon arqyly sändı foto men videolardy tüsırıp, montajdap, daiyn kontent jasai alady. Al naryqta būl mamandyq ielerınıŋ önımıne qyzyǧuşy adamdar köp. «JOLTAP» jobasyndaǧy «Mobilografiia» kursynyŋ oqytuşysy Kämşat Qapardyŋ sözınşe, äleumettık jelınıŋ maŋyzdylyǧy artqan saiyn SMM men mobilograf mamandyǧyna sūranys köbeiedı.
«Osy salada jürgenıme 3 jyldai boldy. Negızı SMM-mobilograf bolyp jūmys ısteimın. Negızgı mamandyǧym zaŋger, bıraq būl mamandyqqa qyzyǧuşylyq bolyp, qazırgı taŋda hobbiımdı negızgı mamandyǧyma ainaldyrdym dep aitsam bolady. Sebebı maǧan foto-video tüsıru jäne kündelıktı äleumettık jelıde belsendı bolǧan ūnaidy. Jalpy qazır aqparattyq zaman bolǧandyqtan, adamdardyŋ köbı äleumettık jelıde belsendı bolyp keledı. Soǧan sai qazır SMM men mobilograf mamandyǧyna sūranys artyp keledı», – dedı elordalyq oqytuşy.
Alty kündık «Mobilografiia» kursynda mamandyqqa kırıspe, montajdau, zamanaui video tüsıru siiaqty teoriialyq jäne praktikalyq sabaqtar ötedı. Kamşat Qapar öz sözınde, kurs barysynda praktikaǧa köp män berıletının atap öttı.
«Özım äleumettık jelıde belsendımın. Ärqaşan mamandyq boiynşa blog jürgızıp, özımnıŋ oquşylarymnyŋ jetıstıgımen bölısıp otyramyn. Sodan da bolar, maǧan «JOLTAP» jobasyna oqytuşy bolu turaly ötınış tüstı. Jalpy mobilografiia kursy 6 kündık oqudan tūrady. Alǧaşqy sabaq «Mobilografiiaǧa kırıspe» dep ataldy, onda osy mamandyq turaly teoriia negızınde tüsındıremın. Sosyn fototüsırılım boiynşa täjıribe bolady. Ekınşı künı video tüsırudıŋ qyr-syryn üiretemın. Oqytu kursynda praktikaǧa köp män berıledı. Montaj jasau ädıs-täsılderıne de bır kün toqtalamyz. Onda montaj jasauǧa arnalǧan qosymşylarǧa toqtalyp, sabaq barysynda montaj jasaimyz», – dedı ol.
Sonymen qatar kurs barysynda äserlı jäne zamanaui trendtegı videolardy tüsıru täsılı üiretıledı. Kurstyŋ soŋǧy sabaǧy «monetizasiia» dep atalady. Iаǧni, osy salada jūmys ıstegısı keletın jandar üşın qalai jūmysqa ornalasuǧa bolady, jeke tapsyrys boiynşa foto-video tüsırılımdı qandai baǧaǧa ūsynuǧa bolatyny turaly aitylady.
«Kurstyŋ soŋǧy künı studentter test tapsyryp, portfolio qorǧaidy. Sondai-aq foto-videolaryn körsetedı. Eger barlyq tapsyrmany jaqsy oryndasa, onda kursty aiaqtaǧany turaly sertifikat beremız. Osy uaqytqa deiın mobilografiia boiynşa 450-500 adam oqyp şyqty. Onyŋ ışınde 300-ge juyq oquşyny men oqyttym. Jalpy osy kursqa adamdardyŋ qyzyǧuşylyǧy öte jaqsy dep aita alamyn. Oquşylardyŋ köbı öz ısın jaŋadan bastaǧan käsıpkerler, dekrettegı analar men studentter», – dedı ol.
Biyl elordada osy joba boiynşa 10 myŋ tūrǧyndy jaŋa mamandyqtarǧa oqytu josparlanyp otyr.
«Men özım būl jobanyŋ fanatymyn dep aita alamyn. «JOLTAP» jobasy jūmyssyz adamdarǧa ülken mümkındık beredı. Joba aiasynda türlı kurstar bar, olar qazırgı zaman talabyna negızdelgen. Sonyŋ ışınde özıne ūnaǧan kursty taŋdap, tegın oquǧa bolady. Mysaly, «Mobilografiia» kursy turaly aitatyn bolsam, basqa jerde osy mamandyqqa oqu 150-200 myŋ teŋgedei bolady. Al būl jerde bärın tegın üirenıp, sosyn jūmysqa ornalasuǧa bolady. Sondyqtan da jūmyssyz qala tūrǧyndaryn «JOLTAP» jobasyna şaqyramyz», – dedı Kämşat Qapar.
Aita keteiık, qatysuşylardyŋ taŋdauyna 14 mamandyq ūsynylǧan. Al oqytu baǧdarlamalary mamandyqqa bailanysty 2 aptadan 1 aiǧa deiın barynşa qysqa merzımde praktikalyq daǧdylardy ūsynuǧa baǧyttalǧan.
